1 ABEIZY 6:1 - Mara Bible RV (BSI)

¹ Izarei sawzy Izi râ tawhta ama kaw pua tawhta kô za palih nata sychariena kô, Izarei chô liata Sawlawmaw â beina kô palihna, Zivi thla, thla nona liata Abeipa o cha sa pathao ta.

1 ABEIZY 6:1 ပူးပေါင်းရင်းမြစ်များ

1 ABEIZY 6:2

Bei Sawlawmaw ta Abeipa châta o a sapa cha a doh lâ dy sycharu châ ta, a hâ la dy kih châ ta, â sâhna lâ dy sythôh a châ.

1 ABEIZY 6:37

Kô palihna, Zivi thla liata, Abeipa o sa awpa ta lôbô bôpa châ ta,

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

1 THÂTIHZYRONA 6:10

Zôhanâ ta Azariah sa ta, ano cha Zerusale liata Sawlawmaw paduapa Achhyna o liata theihthaipa rai a hriapa a châ.

2 THÂTIHZYRONA 3:3

Khazohpa o sanazie awpa Sawlawmaw ta a thlienazie cha hetana heta a châ: A doh lâ cha dy thlienazie parohpa ta dy sycharu châ ta, a hâ lâ dy kih a châ.

EZRÂ 5:11

Hetana heta miah amâ chhy: ‘Avâ nata alei Kha­zohpa chakaotuhpazy châ pi ta, kô hluhpi a sie hapa liata paduapa, Izarei bei rônahpa ta sa ta, a vaw paloh hapa o eima sa pathi.

HLAZY 78:69

A supathaihpa cha avâzy hawhta sa ta, Tlyzaw châta a paduapa alei hawhta a sa.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

EZEKIA 41:1

Chatawhcha chyhsa chata Achhyna opi lâ nâ chhi ta, a pâhchhô chatipazy thlie ta, a kâ chavei chachâh ta dy charu chha ta, cha cha byureih hâ a châ.

HÂKAI 1:8

Tlâh lâ kiah u la, tho za phaoh u la, o cha sa teh u. Cha cha a ly aw na ta, palyupalihpa ta ei y aw,” Abeipa ta a tah.

ZEKARIA 6:15

“Lâhlapi liata a ypazy a vy aw ei ta, Abeipa Achhyna o sana liata amâ hlao hra aw. Chatanachata Pheisaihzy Abeipa ta nama hnohta eina tuah tlai tahpa nama pahno aw. Abeipa nama Khazohpa bie pakhâta ta nama zyh khiahta la, he hmozy he a vaw tlô aw,” tah ta.

MALUHREINA 1:1

Izi râh ama puasai tawhta kô nona, thla nona, noh khana noh ta, Sinai râhchawhpa liata ahmaohna poh o liata Abeipa ta Mawsi bie a chho ta, a hnohta,

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

HMOTAOPAZY 7:47

Khazohpa o cha Sawlawmaw ta tlao sa ta.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

HEBRAI 11:10

Chatanachata abônazy a hneipa, Khazohpa pachhuahpanohpa nata paduapa khihpi cha a hâ hualua.

HEBRAI 9:11

Krista deikua cha, hmo phapa a vaw tlôpazy châta theihthai beichaipa ta â vy nota, achhyna byureih rônah viapa nata paki viapa siepahliepa ta a vy ta, cha cha ku ta sa leipa, he hmotaopazy hry liata a hlao leipa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

RYUREITUHPAZY 11:26

Izarei cha Hesbaw nata a khichapeihzy liata a pahrâ nota zy, Arôerâ nata a khichapeihzy liata a pahrâ nota zy, Anaw chavah kiah khihpi zydua liata a pahrâ nota zy, he suzy liata kô 300 tlai y ei ta, khazia kha daihtizy liana khata râhzy cha nama la pathi ha vei?