1 ABEIZY 5:4 - Mara Bible RV (BSI)

⁴ Tahmâ deikua cha Abeipa ei Khazohpa ta su to liata thlalôhna eina pie haw. Khakhaipazy y khao leipa ei ta, vâchhiena chhao y khao vei.

1 ABEIZY 5:4 ပူးပေါင်းရင်းမြစ်များ

2 SAMUELA 7:5

“Vawh la nâ chakaotuhpa Dâvi hnohta, ‘Abeipa ta hetana heta a tah: Ei pahrâ nawpa o cha nâma ta eina sapa aw chi ma?

1 ABEIZY 11:25

Ano chhao he Hâdâ hawhna khata Sawlawmaw rie a patheituhpa châ ta, Sawlawmaw hro chhôh zydua ta Izarei khakhaipa châ lymâ ta, Izarei a chhyh thai leipa a châ. Aramia râh chô liata ryureituhpa ta a y.

1 ABEIZY 4:24

Ufrâti notla lâ râh zydua, Tiphasa tawhta Kâza taihta Ufrâti notla lâ râh bei zydua chô liata ryureih ta, a chheipâh râh zydua nata a dyryh ngaitapa ta a y lymâ.

1 ABEIZY 5:18

Sawlawmaw chyhsa zôthaipazy, Hirâ chyhsa zôthaipazy nata Kebâli mozy ta alô khai ei ta, o sa nawpa tho nata lô zy ama pachhuahpanoh.

2 ABEIZY 18:8

Philistinâ mo a dyuh ta, Kâza khih nata a râh zydua, riahvaina o nata thokhy hneipa khihpizy taih a pahnie khai haw.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

HLAZY 72:7

Ano hro chhôh nohzy liata cha, Chyhsa siapazy a sosâh ei sala, Thlâpâ a lei hlâlei cha, Sivâphana thata y mawh sy!

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

ZAWSUA 15:47

Asadô nata a khihpizy nata ama khichapeihzy; Kâza nata a khihpizy nata ama khichapeihzy; Izi chavah taihta nata Tilaipi Laipa nata a ngiahkâzy liata a ypa khihpizy cha notla bypi lâta Zudâh khihpizy a châ khai.