1 ABEIZY 5:1 - Mara Bible RV (BSI)

¹ Sawlawmaw cha a paw su a thla awpa ta sathaw ama thu haw tahpa Tyre bei Hirâ ta a thei nahta, a chakaotuhpazy Sawlawmaw lâ tuah ta. Hirâ he Dâvi a pasô kawpa a châ.

1 ABEIZY 5:1 ပူးပေါင်းရင်းမြစ်များ

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

2 SAMUELA 5:11

Tyre bei Hirâ ta Dâvi lâ chyhsa tuah ta. Sidy thozy paphao ta, tho zôthaipa nata lô zôthaipazy tuah ta. Âmo chata Dâvi châta o sapa ei ta.

2 SAMUELA 8:10

Dâvi ta Hadâdeze a dyuh ta a pahnie hapa vâta, a hnatlâna kyh hiahri awpa nata byhnâ awpa awpa ta, a sawchapawpa Zôrâ cha ano lâ tuah ta. Hadâdeze he Tôi a vaw dyuh ngâ thlâh ha tyhpa a châ. Zôrâ cha tâkâ, ngôh nata dawh hmobaohzy vaw phaoh ta.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

1 ABEIZY 5:10

Chatanachata Hirâ ta Sawlawmaw cha a khopa zie ta sidy tho nata meisah vyhpa tho zy pie ta.

1 ABEIZY 5:13

Bei Sawlawmaw ta Izarei zydua hry tawhta raihriatuhpa py padua ta, ama zydua ta 30,000 ama châ.

1 THÂTIHZYRONA 14:1

Tyre bei Hirâ ta Dâvi lâ chyhsa tuah ta, a o sa nawpa ta sidy thozy paphao ta. Lô zôthaipa nata tho zôthaipazy chhao tuah ta.

2 THÂTIHZYRONA 17:11

Philistinâ mo thokhazy ta Zehôsaphâ cha kuhria nata râhpaw châta tâkâ zy vaw pie ei ta. Arabia mo chhao ta mietaku tôhpa 7,700 nata mie 7,700 ama vaw phaopa hra.

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

2 THÂTIHZYRONA 9:26

Ufrâti chavah tawhta Philistinâ nata Izi râhri taihta abei zydua chô liata a bei ta.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

HLAZY 45:12

Tyre zuah ta kuhria chabapa ta na khokheina tlua aw ta, Chyhsa hneirôh chaipazy taihta na khokheina ama tlua aw.

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

HLAZY 80:12

Khazia ma a diahpaizy na parao ha tly? A chapiapa maihta a theizy ama lyu bâ he zaw!

PUASAINA 34:24

Phopizy na hmiakô tawhta papua aw na ta, na râhrizy ei pakawh awpa vâta, kô kha ta ei thôh Abeipa na Khazohpa hmiakô liata a lâ awpa ta nâ khy chhôh ta, na râh cha ahy hmahta uahva thei aw veih ei.

ISAI 23:1

He he Tyre kyh chhochhieliena bie a châ: Hy Tâsi balyhzy saih u, Thata cha teh u; Tyre cha paraopa châ ha ta, Olyu nata balyh apahâna zy chhao y khao vei. Cha cha Kiti râh tawhta ama vaw siena lâta Ama hnohta palâsapa a châ.

EZEKIA 19:11

A chiahzy châ kaw ei ta, Abei chôchahrei châta hmâ tlâhpa a châ. Chhobuh rôhpazy chô lâta A sâh patluapa ta y ta,  sâhna nata a chiah hluhna zy vâta  lâ patlua.

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

MALUHREINA 24:7

A chiahzy tawhta ti loh aw ta, Ti hluhpizy liata a chi a y aw; A bei cha Akâ hlâta rônah via aw ta, Â beinarâh cheihchalopa a châ aw.

LUKA 7:5

eima phopi kyhpachâ ta, eimâ pakhyna o miah a sapatuhpa a châ,” tah ei ta.

RYHPACHANEINA 20:11

Khihpi ta châ vaw ryh ei sala, nama hnohta amâ vaw hlâ khiahta cha, cha liata a pahrâpa zydua cha nama rai hriatuhpa ta y aw ei ta, ama cha chakao aw.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.