1 ABEIZY 4:31 - Mara Bible RV (BSI)

³¹ Chyhsa zydua hlâta so via ta, Ezrâ pathla Ethâ hlâta so via ta, Mâhô sawchapawpa Hemâ, Kâkaw nata Dâdâ zy hlâ chhao ta so via ta, a chheipâh râh zydua hry liata a mo thata a pathâh.

1 ABEIZY 4:31 ပူးပေါင်းရင်းမြစ်များ

1 ABEIZY 10:1

Abeipa moh châta a hmotaopazy kyh liata Sawlawmaw moh pathâhnazie zy Sebâ beinô ta a thei nahta, bie khiakhi ngaitapazy ta pasia a chhuahpa ta ano lâ khy ta.

1 ABEIZY 10:6

Abei hnohta, “Na biereipa nata na sozie zy ama reipa ei râh liata ei vaw theipa kha, â vaw do tlai he zaw.

1 ABEIZY 3:12

pachâ teh, na bie hawhta tahmâ ei tao haw. Sona nata novâhna ei cha pie. Nâ hawhpa he, nâ na y hlâta y beih leipa ei ta, nâma khai tawhta chhao, nâ hawhpa he pua khao aw veih ei.

1 ABEIZY 5:7

Hirâ cha Sawlawmaw biezy a thei nahta, a ly ngaita ta, “He phopi rônahpa chô liata ryurei awpa ta sawchapaw sopa Dâvi hnohta a piepa Abeipa cha tanoh reithaipa ta y mawh sy!” tah ta.

1 THÂTIHZYRONA 15:17

Chatanachata Livai pathlazy ta Zôela sawchapawpa Hemâ, a unawhzy hry tawhta Berekiah sawchapawpa Asâpha, ama unawhpa Merâri pathla tawhta Kusai sawchapawpa Ethâ,

1 THÂTIHZYRONA 15:19

Hlasathaipa Hemâ, Asâpha nata Ethâ zy cha dawh paotlâ tô awpa ta raopa ama châ.

1 THÂTIHZYRONA 2:6

Zerâ sawcha­pawzy cha Zimri, Ethâ, Hemâ, Kâkaw nata Dârâ zy châ ei ta, ama zydua ta papangawh ama châ.

1 THÂTIHZYRONA 6:33

Hezy he hla chhihthana rai hriatuhpazy nata ama sawchapawzy ama châ. Hezy he Kôhâ pathlazy tawhta hla sa thaipazy ama châ. Hlasathaipa Hemâ cha Zôela sawchapawpa châ ta, Zôela paw cha Samuela châ ta,

2 THÂTIHZYRONA 9:23

Khazohpa ta a palôh liata sona a sopa nathlie awpa ta, khizaw bei zydua ta Sawlawmaw cha ama pangai tyh.

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

MATHAI 12:42

Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

LUKA 11:31

Chho beinô chhao, pachiana noh liata, he chhâ chyhsazy nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmahta khizaw chhâna tawhta a vy ta, moh teh u, Sawlawmaw hlâta rônah viapa he liata a y.

KAOLAOSÂ 2:3

Sona nata pahnona hneirôna zydua Krista liata nyupa a châ.