1 ABEIZY 4:29 - Mara Bible RV (BSI)

²⁹ Khazohpa ta Sawlawmaw cha sona nata novâhna thata pie ta, tilaipi ngiahkâ liata sadi zie hawh tlai ta palôh kawhna a pie.

1 ABEIZY 4:29 ပူးပေါင်းရင်းမြစ်များ

ÂTHAONA 41:49

Zawsi ta sâh cha a hluh thei chaipa ta, tilaipi liata sadi zie ta pahmaoh ta, a panua chhao panua khao veih ei. A hluh tu hapa vâta panua tiah awpa châ khao vei.

1 ABEIZY 3:12

pachâ teh, na bie hawhta tahmâ ei tao haw. Sona nata novâhna ei cha pie. Nâ hawhpa he, nâ na y hlâta y beih leipa ei ta, nâma khai tawhta chhao, nâ hawhpa he pua khao aw veih ei.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIECHHOTUHPA 1:16

Keimasasyh ta, “Sona hluhpi hnei ha na ta, keima hlâta Zerusale liata a vaw y tuapa zydua hlâta thata so viapa ta, ei palôh chhao ta sona nata pahnona hro a padi haw,” a tah na ta.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

HABAKU 1:9

Thachahra hmâ awpa ta ama zydua ta amâ vy; Nochhi thlih rupa hawhta pathli ei ta, Sadi hawhta hluhpa ta seizy ama pakhy.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.