1 ABEIZY 4:26 - Mara Bible RV (BSI)

²⁶ Sawlawmaw cha a talailih a daophipa arâzy pasyna o 40,000 hnei ta, arâ pheisaih 12,000 a hnei .

1 ABEIZY 4:26 ပူးပေါင်းရင်းမြစ်များ

2 SAMUELA 8:4

Dâvi ta arâ pheisaih 1,700 nata alei pheisaih 20,000 patu ta. Dâvi ta talailih a daophipa arâ zydua cha ama chazaw chhawh ta, talailih 100 a daophi awpa rakha pahlôh ta.

1 ABEIZY 4:27

Hyutuhpa pahrawh hleinopazy heta âmo topa thla chyu liata, Bei Sawlawmaw châta nata Bei Sawlawmaw tlâhkhai liata a dôhtuhpa zydua châta niedo ama pie tyh. Khâpa hmah paphahlasa veih ei.

1 ABEIZY 9:19

Hmo sopakhyna khihpi a hneipa zydua, a talailihzy sona khihpizy, a arâ pheisaih khihpizy nata a padua khohpa maih cha, Zerusale khihpi liata nata Lebanaw liata nata a khinarâh chhôh zydua liata Sawlawmaw ta a padua lymâ.

2 THÂTIHZYRONA 1:14

Sawlawmaw ta talailihzy nata arâ pheisaihzy pahmaoh pakhy ta. Talailih 1,400 nata arâ pheisaih 12,000 hnei ta, chazy cha talailih sona khihpizy nata abei yna Zerusale liata soh ta.

2 THÂTIHZYRONA 9:25

Sawlawmaw ta arâ nata talailih sona su 4,000 hnei ta, arâ pheisaih 12,000 hnei ta, chazy cha talailih khihpizy liata nata Zerusale liata abei hnohta a paysa ei.

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.