1 ABEIZY 4:20 - Mara Bible RV (BSI)

²⁰ Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

1 ABEIZY 4:20 ပူးပေါင်းရင်းမြစ်များ

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 32:12

Nâma ta, ‘A phapa ta cha tao tlai aw na ta, na pathlazy cha tilaipi sadi rei tiah leipa tlu ta hluhpa ta ei cha tao aw,’ tah chi ta,” tah ta.

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

1 ABEIZY 4:29

Khazohpa ta Sawlawmaw cha sona nata novâhna thata pie ta, tilaipi ngiahkâ liata sadi zie hawh tlai ta palôh kawhna a pie.

1 ABEIZY 5:9

Nâ chakaotuhpazy ta Lebanaw tawhta tilaipi taihta za phaoh aw ei ta, apâ hawhta chahrysa aw ei na ta, a su na raopa lâ tlôkhei awpa ta tilaipi liata ei za pasiesa aw. A su a za tlô nahta pathlâsa aw ei na ta, nâ vaw la aw. Nâ chhao ta ei chhôhkhazy niedo a tôhpa ta ei khopa na tao hra aw,” tah ta.

2 ABEIZY 18:31

Hezekia bie nathlie khuh vy. Asuria bei ta hetana heta a tah: ‘Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

1 THÂTIHZYRONA 12:39

Cha liata Dâvi hnohta niepa nata dopa ta ypa ta noh thôh châh ei ta. Ama unawhzy ta ama nie awpa nata do awpazy amâ vaw chhuahdy khai haw.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

ZAWBÂ 1:18

Bie a rei hai nota, chyhsa hropa vaw tlô ta, Zawbâ hnohta, “Na sawchapawzy nata na sawchanôzy cha, ama uhthei chaipa o liata pati nie ei ta, kresawhti ama do hai nota,

BIESOZY 14:28

Phopi maluh hluhpa cha abei rônahna châ ta, Phopi a y vei khiahta cha ryureituhpa chhao a rao aw.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.

ZEKARIA 3:10

Cha noh liata cha, chyhsa to ta nama kre zôh nata theiku buh ry liata a tyuduah khoh awpa ta, nama opa lyuhrizy nama hrua tyh aw,” Pheisaihzy Abeipa ta a tah.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

1 SAMUELA 30:16

Izi chyhsa chata Dâvi cha Amale mo yna lâ a chhi ta. Moh teh u, Amale mo cha su to liata a vaw hiezâh hôlô ei ta. Philistia râh nata Zudâh râh tawhta hraona hluhpi ama lapa vâta niedopa nata lâsopa ta y ei ta.