1 ABEIZY 3:9 - Mara Bible RV (BSI)

⁹ Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 ABEIZY 3:9 ပူးပေါင်းရင်းမြစ်များ

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

1 ABEIZY 10:24

Kha­zohpa ta a palôh liata sona a sopa nathlie awpa ta, khizaw zydua ta Sawlawmaw cha ama pangai tyh.

1 ABEIZY 3:10

Sawlawmaw hmo hiapa chata Abeipa cha palysa ngaita ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

2 THÂTIHZYRONA 1:10

Chavâta he phopi hmiakô liata ei pua nawpa nata ei ngia nawpa châta a ngiahpa sona nata novâhna na pie mah y. Chataleipatala he tlu ta a hluhpa na phopi chô liana he ahy ma ryu a reih thei aw?” tah ta.

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

HLAZY 119:73

Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

BIESOZY 20:12

Theina nah nata hmôna mo zy he, A miano ta Abeipa taopa sai a châ.

BIECHHOTUHPA 7:11

Ryu cha sona nata â pakaoh khiahta cha, Hmo phapa châ ta; Noh a hmôtuhpazy châta chhao, Athôhna a châ.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

MATHAI 3:14

Châhrasala Zawhâna ta, “Nâ ta bâti eina pachâsa awpa chi tlao ei ngiah. Kheihtazieta kei lâ a vypa ma na châ?” tah ta, thlyu a chhuah ta.

ZAWHÂNA 5:30

“Keima kho ta khâpa hmah tao thei va na. Nah ta ei theipa hawhta pachia na ta, ei pachiana cha â do, keima rei sai ta y a chhuah leipa na ta, nâ tuahtuhpa rei sai ta y ei chhuahpa vâta.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.