1 ABEIZY 3:7 - Mara Bible RV (BSI)

⁷ Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

1 ABEIZY 3:7 ပူးပေါင်းရင်းမြစ်များ

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

1 THÂTIHZYRONA 22:5

Dâvi ta, “Ei sawchapawpa Sawlawmaw cha hawtipa châ ta, hmo yzie pahno tu mâh leipa ta, Abeipa châta o sa awpa hra cha, râh zydua liata a pathâhpa o laipa nata rônahpa a châ awpa châ tlôh ta. Chavâta Khazohpa o sa nawpa cha kei ta ei chhuanoh chhielie aw,” tah ta. Chatanachata Khazohpa o sa nawpa chhaichhi zydua cha Dâvi ta a thi hlâta â chhuanoh khai haw.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

HLAZY 121:8

Abeipa ta na puapa nata nâ ngiapa cha vaih aw ta, Tahmâ tawhta chhâzaw ta a cha vaih lymâ aw.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

BIECHHOTUHPA 10:16

Hy râh, na bei châta sei hnei chi ta, Na beimachâzy my ta kyh a chhi tyhpa râh y, Na hu a po na!

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

MALUHREINA 27:17

Ano chata zawpizy hmia lâta pua aw ta, a tlôkhei aw ei. Zawpizy chhihtha aw ta, â ngiakhei aw ei. Chatanachata Abeipa chyhsa zawpizy cha vaituhpa hnei leipa mietaku hawhta y aw veih ei,” tah ta.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

RYHPACHANEINA 31:2

Ama hnohta, “Tahmâ cha kô 120 uhtheipa châ ha na ta, pua-ei thei khao va na. Abeipa ta ei hnohta, ‘Zawdâh chaka aw va chi,’ na tah ha ta.

1 SAMUELA 18:16

Châhrasala Dâvi cha ama hnohta a pahlaopa ta âmo a chhihthapa vâ ei ta, Izarei nata Zudâh zydua ta a kyhpachâ ngaita ei ta.