1 ABEIZY 3:3 - Mara Bible RV (BSI)

³ Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

1 ABEIZY 3:3 ပူးပေါင်းရင်းမြစ်များ

1 ABEIZY 11:34

Châhrasala ei biepiepazy nata ei bieraopazy a zyhpa, ei tlyhpa nâ chakaotuhpa Dâvi vâta, khinarâh cha a zydua ta a ku tawhtapa chhu khai aw va na. A hro chhôh zydua cha bei ta ei paysa awh.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 11:6

Chavâta Sawlawmaw cha Abeipa mohmô liata hmo pha leipa tao ta, a paw Dâvi taozie hawhta, Abeipa cha tlokhuh ta pazi vei.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

1 ABEIZY 14:8

Dâvi pathlazy tawhta khinarâh chhu na ta, nâ ei cha pie. Châhrasala nâ chakaotuhpa Dâvi hawhta y va chi. Ano cha ei biepiepazy a pyh ta, a pathipalôh tlokhuh ta na pazi ta, hmo dopa deita ei mohmô liata a tao tyh.

1 ABEIZY 15:11

Âsâ cha a pathlatuhpa Dâvi hawhta Abeipa mohmô liata hmo dopa tao ta.

1 ABEIZY 15:14

Su sâhpazy deikua cha pahleipadia vei. Chatahrasala Âsâ cha a hro chhôh zydua ta tlokhuh ta Abeipa liata palôh dopa a phaohpa a châ.

1 ABEIZY 15:3

A paw hmo moleipa taopa zydua kha tao hra ta, a mapaw Dâvi palôh phaoh leipa ta, Abeipa a Kha­zopa lâta a palôh zydua hlâ khai vei.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 ABEIZY 22:43

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta. Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

1 ABEIZY 22:44

Zehôsaphâ cha Izarei bei nata chhao adyhna tao ta.

1 ABEIZY 3:14

Na paw Dâvi ta ei lâpizy â chhihpa hawhta, nâ chhao ta ei lâpizy a chhihpa ta, ei bieraopazy nata ei biepiepazy na zyh khiahta cha, na hro ei pasisa aw,” tah ta.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

1 ABEIZY 8:61

Chavâta tanoh hawhna heta, Abeipa eima Khazohpa chô liata palôh phapakipa phaoh lymâ u la, a bieraopazy a chhihpa ta, a biepiepazy zyh lymâ muh vy,” tah ta.

1 ABEIZY 9:4

Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 ABEIZY 12:3

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 12:4

Zehôasâ ta theihthaipazy hnohta “Abeipa o liata a ngiakheipa hmo pathaihpa chatlaina sôh zydua, chyhsa to thyupa sôh a ngiapa zydua nata chyhsa ta lôhthai ta Abeipa o lâ a vaw cheipa sôh zydua cha,

2 ABEIZY 14:3

Abeipa mohmô liata hmo dopa tao ta, a pathlatuhpa Dâvi deikua a tlu vei. A paw Zôasâ hmotaopa maih tao hra ta.

2 ABEIZY 14:4

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 15:35

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy. Zôthâ ta Abeipa o chô lâta chhikao taopathi ta.

2 ABEIZY 15:4

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 THÂTIHZYRONA 15:17

Su sâhpazy deikua cha, Izarei râh tawhta pahlei vei. Chatahrasala Âsâ cha â bei chhôh zydua ta palôh dopa a phaohpa a châ.

HLAZY 145:20

Abeipa cha ano kyh a pachâtuhpa zydua pabohsa ta, Hmoparaopazy deikua cha, A pahleipadia aw ei.

HLAZY 31:23

Hy a mopathaihpa zydua saih u, Abeipa cha kyhpachâ muh vy! Abeipa ta ngâchhihpa pabohsa ta, Apalaipa deikua cha thata viari a thô tyh.

THEIHTHAINA 17:5

Izarei sawzy ta lyurâhpa liata atheihna ama hlâ tyhpazy kha, Abeipa lâta hlâ awpa ta, ahmaohna poh o chhikao liata theihthaipa lâta cheipa ta, aryhna hlâna atheihna châta Abeipa lâta ama hlâ thei nawpa ta, he ryhpa he taopa a châ.

MATHAI 22:37

Zisu ta a hnohta, “Abeipa na Khazohpa cha na pathipalôh tlokhuh ta, na thlahpa tlokhuh ta nata na pachâna tlokhuh ta kyh na pachâ awpa a châ.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 10:13

nama pha nawpa ta tanoh bie ei cha piepa ei, Abeipa biepiepazy nata bieraopazy zyhpa a châ.

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 SAMUELA 9:12

Laihsazy ta a chhy ei ta, ama hnohta, “A y tlaih, nama hmiata liata a sie. A para teh u, tanoh cha su sâhpa liata atheihna hlâna noh a châpa vâta, tahmâ tlai kha khihpi liata a vaw tlô.