1 ABEIZY 3:28 - Mara Bible RV (BSI)

²⁸ Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 3:28 ပူးပေါင်းရင်းမြစ်များ

KAOLAOSÂ 2:3

Sona nata pahnona hneirôna zydua Krista liata nyupa a châ.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

1 THÂTIHZYRONA 29:24

Hyutuhpa zydua, pasaipha zydua nata Bei Dâvi sawchapaw hropa zydua chhao ta, Bei Sawlawmaw ryureina ry liata ngâchhihpa ta y awpa ta bie amâ taih.

1 SAMUELA 12:18

Samuela ta Abeipa cha aw ta, Abeipa ta cha noh liata, tôkalôhpa pathuasapa ta, avâ pasuasa ta. Zawpi zydua ta Abeipa nata Samuela cha chi ngaita ei ta.

ZAWSUA 4:14

Cha noh liata, Abeipa ta Izarei zydua mohmô ta Zawsua cha cheihchalo ta. Mawsi ama zapa hawhta, Izarei zawpi ta Zawsua cha a hrochhôh zydua ama za lymâ.

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

HLAZY 72:4

Râhsaw dyhchhiepazy a duakhei sala, Phahlapa sawzy pachhapa ta, Tlybaituhpazy chanaoh mawh sy!

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

1 ABEIZY 3:27

Chatawhcha abei ta a chhy ta, “Hawti a hrohpa kha a hmiatuapa chanô kha pie teh u, hawti kha thie khah u, ano tlai kha a nô cha a châ,” tah ta.

1 ABEIZY 4:1

Bei Sawlawmaw cha Izarei zydua bei ta y ta,

BIESOZY 16:10

Abei hmao liata Khazohpa bietapa y ta, Pachiana liata a pakah ta pachia chhei aw vei.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

BIESOZY 8:15

Keima baona ta beizy ryureih ei ta, Ryureituhpazy ta ryureina dopa ama siekhei.

BIESOZY 25:2

Bie nyupa cha Khazohpa rônahna châ ta, Abei rônahna deikua cha bie tluapapuapa a châ.