1 ABEIZY 3:15 - Mara Bible RV (BSI)

¹⁵ Sawlawmaw cha a vaw hra ta, a mâ vaw châ ta. Chatawhcha Zerusale lâ vawh ta, Abeipa Biehrai Byh hmiakô liata a duah ta, raopa hlânazy nata aryhna hlânazy hlâ ta, a chakaotuhpa zydua châta kyhchhi a taopa ei.

1 ABEIZY 3:15 ပူးပေါင်းရင်းမြစ်များ

ÂTHAONA 28:16

Zakaw cha â môpa a kaw hra ta, “He su liata Abeipa a vaw y tlai na, vaw pahno leipa na ta,” tah ta.

ÂTHAONA 31:54

Zakaw cha tlâh râh liata atheihna hlâ ta, a chiheihzy pati nie hrua ta. Pati ama nie khai tawhta, tlâh râh liana cha a rie ei ta.

ÂTHAONA 40:20

A noh thôhna noh, Phiraoh pi noh liata, Phiraoh ta a chakaotuhpa zydua châta kyhchhi tao ta. A chakaotuhpazy mohmô ta nyu hlâtuhpazy hyutuhpa nata viahchhâ taotuhpazy hyutuhpa cha ama luh chaluah ta.

ÂTHAONA 41:7

Sâh suh sihpazy chata sâh suh patapa nata pahlypazy cha palâ khai ha ei ta. Phiraoh cha a vaw hra ta, a mâ vaw châ ta.

1 ABEIZY 3:16

Noh kha cha chanô âzuahpa pano abei lâ a vy ei ta, a hmiakô liata a duah ei ta.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 ABEIZY 8:65

Cha daihti liata Sawlawmaw ta kyhchhi noh sari tao ta. Lebôhamâ tawhta Izi Chavah taihta Izarei saw zydua a ki khaipa ta, zawpi hluhpi Abeipa eima Khazohpa hmiakô liata tlôpakhy ei ta.

1 THÂTIHZYRONA 16:3

Izarei saw zydua cha a chanô chapaw ta, viahchhâ tlâ kha, sa tlo kha nata kre thei pachawhpa sao kha chyu rai ta.

2 THÂTIHZYRONA 7:5

Bei Sawlawmaw ta atheihna hlâna châta viahchao tôhpa 22,000 nata mietaku 120,000 hlâ ta. Cha hawhna chata abei nata zawpi zydua ta Khazohpa o cha hlâ ei ta.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ZEREMIAH 31:26

Cha nona chata a vaw hra na ta, mohmia pasaih na ta, ei mokuh pahâh ngaitapa ta ei môpa vaw châ ta.

DÂNIAH 5:1

Bei Belsâza ta a beimachâ sâh khazy châta kyhchhi rônahpa tao ta, chyhsa sâh kha hmiakô liana cha kresawhti doh ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

MÂKA 6:21

Herawdi châta daihti rypaohpa vaw y ta. Herawda ta a pina noh liata a beimachâzy, a pheisaih hyutuhpazy nata Kâlili râh liata molaipazy châta kyhchhi tao ta.