1 ABEIZY 3:12 - Mara Bible RV (BSI)

¹² pachâ teh, na bie hawhta tahmâ ei tao haw. Sona nata novâhna ei cha pie. Nâ hawhpa he, nâ na y hlâta y beih leipa ei ta, nâma khai tawhta chhao, nâ hawhpa he pua khao aw veih ei.

1 ABEIZY 3:12 ပူးပေါင်းရင်းမြစ်များ

1 ABEIZY 2:6

Chavâta na sona hmâh la, pha na tahzie hawhta tao mah y, a luh pawhpa cha thlalôhpa ta Athihkhih lâ pasiesa khah y.

1 ABEIZY 2:9

Châhrasala ano cha thaileina a hnei leipa hawhta na pachâ awpa châ vei. Chyhsa sopa châ chi ta, a chô liata na tao awpa na pahno aw. A luh pawhpa cha thisaih chhaota Athihkhih lâ na pasiesa awpa a châ,” tah ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 5:12

Abeipa ta bie â taihpa hawh tlai ta, Sawlawmaw cha sona ta tobi ta. Hirâ nata Sawlawmaw cha ama likah liata biehrai tao ei ta, a dyryh ngaitapa ta ama y lymâ.

1 ABEIZY 5:9

Nâ chakaotuhpazy ta Lebanaw tawhta tilaipi taihta za phaoh aw ei ta, apâ hawhta chahrysa aw ei na ta, a su na raopa lâ tlôkhei awpa ta tilaipi liata ei za pasiesa aw. A su a za tlô nahta pathlâsa aw ei na ta, nâ vaw la aw. Nâ chhao ta ei chhôhkhazy niedo a tôhpa ta ei khopa na tao hra aw,” tah ta.

1 THÂTIHZYRONA 29:25

Abeipa ta Sawlawmaw cha Izarei saw zydua mohmô liata thata parônahsa ta, Izarei râ liata ano hlâta a bei tuapa ahy hmahta ama to thei leipa, bei rônah ngaitapa châna a patosa.

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

NEHEMIAH 13:26

Izarei bei Sawlawmaw chhao kha, cha hawhpa chanôzy vâta a molei hapa kha châ vei ma? Phopi hluhpi hry liata ano hawhpa bei y veih ei. Ano cha Khazohpa ta kyh a pachâpa châ ta, Khazohpa ta Izarei zydua chô liata bei ta a taopa a châ. Chatanachôta ano tlai chhao kha, chihropa chanôzy ta ama pamoleisa hapa a châ.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:16

Keimasasyh ta, “Sona hluhpi hnei ha na ta, keima hlâta Zerusale liata a vaw y tuapa zydua hlâta thata so viapa ta, ei palôh chhao ta sona nata pahnona hro a padi haw,” a tah na ta.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

MATHAI 12:42

Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

KAOLAOSÂ 2:3

Sona nata pahnona hneirôna zydua Krista liata nyupa a châ.