1 ABEIZY 22:6 - Mara Bible RV (BSI)

⁶ Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

1 ABEIZY 22:6 ပူးပေါင်းရင်းမြစ်များ

1 ABEIZY 12:9

Ama hnohta, “‘Na paw ta raopaky miah a pakypa miah pahuapa teh,’ nâ tahpa zawpizy he kheihta a chhy awpa ta ma ryh eina raokhei aw ei chi?” tah ta.

1 ABEIZY 18:19

Chavâta tahmâ Izarei saw zydua nata Bâlâ hrohsopa 450 nata Aseri hrohsopa 400, Zezebel tlâhkhai liata pati a dôh tyhpazy paawsa la, Kâmel tlâh liata keima lâta a vaw hmaoh mawh ei sy,” tah ta.

1 ABEIZY 18:20

Ahabâ ta Izarei saw zydua lâta chyhsa tuah ta, hrohsopazy cha Kâmel Tlâh liata awpakhy ta.

1 ABEIZY 22:10

Izarei bei nata Zudâh bei Zehôsaphâ cha Samâri thokhy chhikao kiapâh sawhri liata abei poh a bupa ta, ama beidyuchhai chyu liata a tyuh ei ta. Hrohsopa zydua ta ama hmiakô liata hrohsona bie phuah ei ta.

1 ABEIZY 22:15

Abei kô a tlô nahta, abei ta a hnohta, “Mikai, Ramôkilia a dyuh aw­pa ta eima sie aw ma, ei chalih aw?” tah ta. Mikai ta, “Khy la kaw pahnie teh. Abeipa ta Ramôkilia cha abei ku liata a pie aw,” tah ta.

1 ABEIZY 22:5

Zehôsaphâ ta Izarei bei hnohta, “Abeipa bie a saohiah ha tua mah y,” tah ta.

2 ABEIZY 10:19

Chavâta tahmâ Bâlâ hrohsopa, Bâlâ achhytuhpa zydua nata Bâlâ theihthaipa zydua keima lâ awpakhy teh u. Ahy hmah a ki leipa ta y khah ei sy. Atheihna rônah ngaitapa Bâlâ lâ hlâ awpa ei hnei. Ahy rai a ki leipa maih cha hroh aw vei,” tah ta. Cha hmo cha Zehu ta Bâlâ achhytuhpazy a thie thei nawpa ta dôveipa ta a taopa a châ.

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

2 THÂTIHZYRONA 18:14

Abei kô a tlô nahta, abei ta a hnohta, “Mikai, Ramô­kilia a dyuh awpa ta eima sie aw ma, ei chalih aw?” tah ta. Mikai ta, “Khy u la, kaw pahnie teh u, âmo cha nama ku liata piepa a châ aw,” tah ta.

ISAI 36:10

Cha dei châ vei, he râh parao awpa heta, Abeipa a hlao leipa ta a khypa ma ei châ? Abeipa ta ei hnohta, “Cha râh cha khyhnao la kaw parao teh,” eina tahpa vâta â khypa mah a châ tâh,’” tah ta.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.