1 ABEIZY 22:53 - Mara Bible RV (BSI)

⁵³ A paw taopa maih tao hra ta, Bâlâ chakaopa ta, a chhy ta, chavâta Abeipa, Izarei Khazohpa cha a hie pahâh ha ta.

1 ABEIZY 22:53 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 3:2

Abeipa mohmô liata hmo pha lei ngaitapa tao ta. A nô nata a paw hawh ngâsâ ta la hmo parao vei. A paw ta Bâlâ lô a vaw bôpa cha a thy haw.

2 ABEIZY 8:18

Ahabâ sawchanô lapinô ta a hneipa vâta, Ahabâ chhôhkha taozie hawhta, Izarei beizy lâpi a chhi hrapa ta, Abeipa mohmô liata hmo pha lei ngaitapa tao ta.

2 THÂTIHZYRONA 20:35

Cha hnôhlâ ta Zudâh bei Zehôsaphâ cha Izarei bei Ahazia a pazao ta. Ahazia cha molei ngaitapa ta hmo a tao tyhpa a châ.

HLAZY 106:29

Ama hmotaopazy ta Abeipa cha a hie pahâh ei ta, Ama hry liata potlana a vaw tlô.

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.