1 ABEIZY 22:10 - Mara Bible RV (BSI)

¹⁰ Izarei bei nata Zudâh bei Zehôsaphâ cha Samâri thokhy chhikao kiapâh sawhri liata abei poh a bupa ta, ama beidyuchhai chyu liata a tyuh ei ta. Hrohsopa zydua ta ama hmiakô liata hrohsona bie phuah ei ta.

1 ABEIZY 22:10 ပူးပေါင်းရင်းမြစ်များ

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

1 ABEIZY 22:30

Izarei bei ta Zehôsaphâ hnohta, “Chysia nanopa a tobipa ta ei lânazie panano aw na ta, adyuhna lâ ei sie hra aw. Nâ deikua abei poh a bu mah y,” tah ta. Chatanachata Izarei bei cha â lânazie panano ta, adyuhna lâ cha sie ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

1 ABEIZY 22:9

Izarei bei ta beimachâ pakha aw ta, a hnohta, “Imlâ sawchapawpa Mikai kha kei aw para teh,” tah ta.

ESTHERI 5:1

A noh thôna noh ta, Estheri cha beinô chysia a tobi ta, abei o dôhpachhôh tlyhmia liata abei chhôhpadâhpa dady liata a kei duah ta. Abei cha abei o angiana dady liata beidyuchhai chhôhpadâhpa chhôh liata a beidyuchhai liata a tyuh ta.

MATHAI 11:8

Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 6:20

Chhoma-u nata saiiepa ta a nie thei leina, parutuhpazy ta amâ ngia thei leina nata paru thei leina vârâh liata ryuzy tlao a pachô muh vy.

HMOTAOPAZY 12:21

Noh taipa noh ta, Herawda cha abei poh a bu ta, a beidyuchhai liata a tyuh ta, ama hnohta bie reih ta.

HMOTAOPAZY 25:23

A mylâ ta Akripâ nata Benisi cha pheisaih hyutuhpazy nata khihpi nôpawzy chhaota rônah ngaitapa ta a vy ei ta, zawpi ahmaohna o liata a ngia ei ta. Festâ bie ta Pawla cha a vaw ngiakhei ei ta.