1 ABEIZY 21:9 - Mara Bible RV (BSI)

⁹ Châzy liana chata, “Kâhvilei daihti phuah u la, zawpi hry liata Nâbô cha chaluahpa ta dyuchhai peimawhpa liata nama patyusa aw.

1 ABEIZY 21:9 ပူးပေါင်းရင်းမြစ်များ

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

1 ABEIZY 21:8

Chatanachata Ahabâ moh ta châ roh ta, Ahabâ châ chahnaona ta chahnao ta, cha cha Nâbô yna khihpi liata a pahrâlâhpa machâzy nata chhituhpazy lâ paphao ta.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

MATHAI 2:8

Bethlehe khih lâta âmo cha pasiesa ta, “Sie u la, hawsaih cha a phapa ta kei tlua teh u. Nama hmô nahta, a thâtih thlai na vaw chho muh vy. Chatanachata kei chhao sie aw na ta, ei kei naoh hra aw,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.