1 ABEIZY 21:2 - Mara Bible RV (BSI)

² Ahabâ ta Nâbô hnohta, “Na kre sadô he ei o kiapâh liata a ypa a châpa vâta, âhnalasi taona sadô châta keima na pie teh, a vyuhpa ta kre sadô pha viapa ei cha pie aw. Na khoh via khiahta cha, a tâkâ lâta â phuhpa hawhta a mâ ei cha pie aw,” tah ta.

1 ABEIZY 21:2 ပူးပေါင်းရင်းမြစ်များ

ÂTHAONA 16:6

Abarâ ta Sârai hnohta, “Nathlie teh, na seichanô cha na ku liata a y. Pha na tahnazie hawhta a chô liata tao mah y,” tah ta. Sârai ta Hâkarâ cha a rie thata pathei ta. Chavâta Hâkarâ ta Sârai cha â râsai haw.

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

1 ABEIZY 21:3

Châhrasala Nâbô ta Ahabâ hnohta, “Nâ pathlatuhpazy ryu ei cha pie awpa cha Abeipa ta pasaih khah sy,” tah ha ta.

1 ABEIZY 21:6

Ahabâ ta Zezebel hnohta, “Zezari chyhsa Nâbô hnohta, ‘Na kre sadô he na chaleisa teh. Na khoh via khiahta cha, kre sadô hropa ei cha pie aw,’ tah na ta, ano ta, ‘Ei kre sadô he cha pie aw va na,’ tahpa ta einâ chhy hapa vâta a châ,” tah ta.

2 ABEIZY 9:27

Zudâh bei Ahazia ta cha cha a hmô nahta, Bethâkâ khih lâ a râ ta. Zehu ta a chadai ta, “Ano chhao kha thie hra teh u,” tah ta. Ibalia khih kiapâh Kurâ lâ khyna liata a talailih liata ka ei ta. Mekidô khih lâ a râ ta, cha liata thi ha ta.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

BIECHHOTUHPA 2:5

Sadôzy nata theilâpa thihzy a tao na ta, cha liata theilâpa tho to loh na ta.

HLAZY HLA 4:15

Tihnawh palina sadô châ ta, Hrona tikhaoh chhao y ta, Lebanaw tawhta vahtiezy lona sadô a châ.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

RYHPACHANEINA 11:10

Hnei awpa ta nama pangaipa râh cha nama vaw puana Izi râh, âhnalasi sadô liata chi tu ei chi ta nama phei ta ti nama bao tyhpa râh hawhpa kha châ vei.

RYHPACHANEINA 5:21

“Na vaih lapinô na uahva awpa châ vei. Na vaih o na uahva awpa châ leipa ta, a lyu tlyma, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

1 SAMUELA 29:6

Akisâ ta Dâvi cha aw ta, a hnohta, “Abeipa hrona reipa ta ei reih, chyhsa dopa châ chi ta, chavâta pheisaihzy hry liata ei hnohta na sie tyhpa nata na vaw tlô tyhpa zy he, keima mohmô liata la a pha ngaita. Kei lâ nâ vy noh tawhta tanoh taihta, nâma liata adoleina khâpa hmah hmô va na. Châhrasala beimachâzy heta cha ngâ veih ei.

1 SAMUELA 8:14

Nama lyuzy, kre sadôzy nata ôli sadôzy hry liata a pha chaipazy la aw ta, a chakaotuhpazy a pie aw ei.

1 SAMUELA 8:6

“Eima chô liata ryu a reih awpa bei miah pie teh,” ama tahpa kyh chata Samuela cha palysa lei kaw ta. Samuela cha Abeipa lâ thlahchhâ ta.