1 ABEIZY 20:41 - Mara Bible RV (BSI)

⁴¹ A mo â khuna cha thlai la ta, hrohsopa pakha a châ tahpa Izarei bei ta pahno ha ta.

1 ABEIZY 20:41 ပူးပေါင်းရင်းမြစ်များ

2 SAMUELA 13:19

Tâmâri cha a luh buchâh a mia ta, a viahkao pasipa chapaipa â kypa cha hrie ta, a kuzy a luh liata khaih ta, aoh tlili ta cha laihpa ta a di ha ta.

1 ABEIZY 20:38

Hrohsopa cha sie ta, lâpi liata abei cha a vaw byh ta, chyhsa ta ama pahno lei nawpa ta a khiriena ta a mo khu ha ta.

1 ABEIZY 20:40

Châ chakaotuhpa he helâ haolâ ta ei rai â tymâ kawpa vâta, ano cha a vaw sie syulyu haw,” tah ta. Izarei bei ta a hnohta, “Cha hawhna chata na chô liata pachiapa a châ aw, nâma tlai ta biechhâna na tao ha cha zaw,” tah ta.

1 ABEIZY 20:42

Hrohsopa ta abei hnohta, “Abeipa ta hetana heta a tah: ‘Pahleipadia awpa ta ei raopa chyhsa na ku tawhta na papua hapa vâta, ano hrona vyuhpa ta nâma hrona, ano phopi vyuhpa ta nâma phopi na pahlei aw,’ a tah,” tah ta.

ZAWBÂ 2:8

Buchâh liata a tyuh ta, beihkaopa ta a hmah cha haokhy ta.

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.