1 ABEIZY 20:34 - Mara Bible RV (BSI)

³⁴ Benhadâ ta a hnohta. “Ei paw ta na paw tawhta khihpi a vaw la hapazy kha cha pie pakhua heih aw na ta, ei paw ta Samâri liata sohdaohna su a taopa hawhna khata, Dâmaskâ liata sôdaohna su na tao hra aw,” tah ta. Ahabâ ta, “Cha biehrai cha tao sih la ei cha pasiesa aw,” tah ta. Chatanachata a hnohta bie hraih ta, pasiesa ha ta.

1 ABEIZY 20:34 ပူးပေါင်းရင်းမြစ်များ

1 ABEIZY 15:20

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta, chatanachata Izô, Dânâ, Abebemâkâ nata Chinerô khihpizy nata Nâthalai râh zydua pahnie ta.

1 ABEIZY 20:33

Chyhsazy chata hmo yzie a phapa ta ngia ei ta, a palôh hmeiseihpa a reipa a châ aw tahpa pangiasapa ta, “A châ na, ano cha na unawhpa Benhadâ na a châ,” thlai tah ei ta. Ahabâ ta, “Vawh u la, Benhadâ cha a vaw chhi muh vy,” tah ta. Benhadâ cha ano lâ vaw pua ta, Ahabâ ta ano talailih liata pakiasa ta.

1 ABEIZY 20:42

Hrohsopa ta abei hnohta, “Abeipa ta hetana heta a tah: ‘Pahleipadia awpa ta ei raopa chyhsa na ku tawhta na papua hapa vâta, ano hrona vyuhpa ta nâma hrona, ano phopi vyuhpa ta nâma phopi na pahlei aw,’ a tah,” tah ta.

1 ABEIZY 22:31

Aramia bei ta a talailih pheisaih hyutuhpa sythôh nata panozy hnohta, “Mochyhpa tlyma, molaipa tlyma a dyuh tlâ leipa u la, Izarei bei deita a dyuh muh vy,” tahpa ta biepie ta.

2 THÂTIHZYRONA 16:4

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta. Chatanachata Izô, Dânâ, Abelamai nata Nâthalai râh liata hmobaoh sona khihpi zydua pahnie ta.

2 THÂTIHZYRONA 18:30

Aramia bei ta a talailih pheisaih hyutuhpazy hnohta, “Mochyhpa tlyma, molaipa tlyma, a dyuh leipa u la, Izarei bei deita a dyuh muh vy,” tahpa ta biepie ta.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 8:12

“He phopi ta teiparuna a tahpa cha, Teiparuna ta rao hra leipa u la; Ama chipa chhao chi hra leipa u la, Ama chihuhpa chihuh hra khuh vy.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

1 SAMUELA 11:1

Amawna chyhsa Nahâsâ cha vaw pua ta, Zabekilia khih dôh ta, Zabe mo zydua ta Nahâsâ hnohta, “Eima hnohta bie hraih la, eima cha chakao aw,” tah ei ta.

1 SAMUELA 15:8

Amale bei Akâ cha a hrohpa ta patu ta, chyhsa zydua cha zaozi ta chhawhsao ta.

1 SAMUELA 15:9

Sawla nata pheisaihzy ta Akâ cha pahlôh ei ta, mietaku nata viahchao pha chaipazy, viahchaotaw nata mietakutaw thawhpazy, a phapa maih pahlôh ei ta. Chazy cha tlokhuh pahleipadia khai ha awpa pasaih leipa ei ta. A pha leipa nata ama kho leipa maih deikua cha, pahleipadia khai ha ei ta.