1 ABEIZY 20:12 - Mara Bible RV (BSI)

¹² Cha bie cha Benhadâ ta abeizy nata byureih liata sahma a do ngâ nota thei ta, a chyhsazy hnohta, “A dyuh awpa ta a pachyh teh u,” tah ta. Khihpi a dyuh awpa ta a pachyh ei ta.

1 ABEIZY 20:12 ပူးပေါင်းရင်းမြစ်များ

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

1 ABEIZY 16:9

Châhrasala a talailihzy â khophie chô liata pheisaih hyutuhpa, a chakaotuhpa Zimri ta ano cha tei ta. Elâ cha Tizah liata a y nota, Tizah khihpi liata a o mohôhtuhpazy hyutuhpa Âza o liata parina taihta doh ta.

1 ABEIZY 20:16

Nohchhô locho nota pua ei ta. Benhadâ nata ano a baotuhpa bei sythôh nata pano zy cha byureih liata parina taihta sahma vaw doh ngâ kaw ei ta.

ZEREMIAH 43:10

Chatawhcha ama hnohta hetana heta na chho aw ei: ‘Pheisaihzy Abeipa, Izarei Khazohpa ta hetana heta a tah: Pachâ teh u, nâ chakaotuhpa Babylaw bei Nebukaneza a vaw chhi aw na ta, alô ei pabupazy chô liana heta a beidyuchhai patyuh aw na ta, ano ta a chô liata abei poh o a parai aw.

DÂNIAH 5:2

Belsâza ta kresawhti cha doh ta, ano nata a beimachâzy, a lapinôzy nata a nôthozy kresawhti do nawpa ta, a paw Nebukaneza ta Zerusale Achhyna o tawhta a lapa ngôh nata tâkâ nyuzy vaw chei awpa ta biepie ta.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.