1 ABEIZY 2:9 - Mara Bible RV (BSI)

⁹ Châhrasala ano cha thaileina a hnei leipa hawhta na pachâ awpa châ vei. Chyhsa sopa châ chi ta, a chô liata na tao awpa na pahno aw. A luh pawhpa cha thisaih chhaota Athihkhih lâ na pasiesa awpa a châ,” tah ta.

1 ABEIZY 2:9 ပူးပေါင်းရင်းမြစ်များ

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 44:31

hawtipa he eima hnohta â hlao leipa a pahnopa nahta, a thi thlâh ha aw. Chatanachata châ chakaotuhpazy heta, châ chakaotuhpa eima paw luh pawhpa cha pachârôhpa ta Athihkhih lâ eima pasiesa aw.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 SAMUELA 16:5

Bei Dâvi cha Bahuri a tlô nahta, Sawla pho heihpa Kerâ sawchapawpa a moh Simei ama tahpa cha vaw pua ta, chhiesa lymâna chôta a vy ta.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 2:6

Chavâta na sona hmâh la, pha na tahzie hawhta tao mah y, a luh pawhpa cha thlalôhpa ta Athihkhih lâ pasiesa khah y.

1 ABEIZY 3:12

pachâ teh, na bie hawhta tahmâ ei tao haw. Sona nata novâhna ei cha pie. Nâ hawhpa he, nâ na y hlâta y beih leipa ei ta, nâma khai tawhta chhao, nâ hawhpa he pua khao aw veih ei.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

ZAWBÂ 9:28

Ei pasataona zydua a chipa châ aw na ta, Thai na pachâsa aw va chi tahpa ei pahno.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

PUASAINA 22:27

A chhâpa cha, cha poh cha a bu awpa a hnei chhôhpa, a pôhpa liata â bu awpa poh châ ta, khâpa a bupa ta ma â mô aw? Kei cha ngiachhiena a hneipa châ tlôh na ta, chavâta eina awsao tita ei thei aw.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.