1 ABEIZY 2:5 - Mara Bible RV (BSI)

⁵ “Zeru sawchapawpa Zôabâ ta ei chô liata a hmotaopa kha na pahno: Izarei pheisaihzy hyutuhpa pano, Nerâ sawchapawpa Abane nata Zethe sawchapawpa Amâsâ zy chô liata a hmotaopa kha na pahno. Âmo kha thie ta, adyuhna liata thisaih palopa cha adyhna daihti liata phuh la ta, thaileina a hnei leipa thisaih cha a chai liata chaisaih nata a phei liata pheikyzy liata a kia hapa kha a châ.

1 ABEIZY 2:5 ပူးပေါင်းရင်းမြစ်များ

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

2 SAMUELA 18:12

Cha chyhsa chata Zôabâ hnohta, “Ei ku liata tâkâ tlaw sâh kha ei daopa chhao ta, abei sawchapawpa chô liata ei ku hy cheita aw va na. Eima nah theina lia tlai ta abei ta nâma nata Abisai nata Itai hnohta, ‘Keima vâta thyutliapa Absalaw kha rie pahlôh muh vy,’ tahpa ta bie a cha piepa ei kha.

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 18:5

Abei ta Zôabâ, Abisai nata Itai zy cha, “Keima vâta thyutliapa Absalaw cha bâh kei chado muh vy,” tahpa ta biepie ta. Abei ta Absalaw kyh liata pheisaih hyutuhpa zydua bie a piepa cha zawpi zydua chhao ta thei ei ta.

2 SAMUELA 2:13

Zeru sawchapawpa Zôabâ nata Dâvi chakaotuhpazy chhao vaw pua ei ta, Kibiô tipo liata a kei tyh ei ta. Tipo haosâ lâ hlao kha a tyuh ei ta, tipo hesâ lâ hlao kha a tyuh ei ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 20:10

Zôabâ ku liata zaozi a ypa cha Amâsâ ta hmô leipa ta, Zôabâ ta Amâsâ cha a py liata dy ta, a rihzy puapa ta alei lâ tla ta, dy chanei byuh leipa ta thi ha ta. Zôabâ nata a unawhpa Abisai ta Bikhari sawchapawpa Sebâ cha a chadai lymâ ei ta.

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 1:7

Adôniza ta Zeru sawchapawpa Zôabâ nata theihthaipa Abiathâ a saohiah ta. Ama pano ta Adôniza cha pazipa ta bao ei ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

ZEREMIAH 2:34

Cha hrao awpa ta amâ vaw ngiapa na hmô leipa chhao ei ta, Thaileina a hnei leipa dyhchhiepa hrona thisaih cha, Na hnorâhzy liata â bai. Cha hmo zydua a y ha tawh chhao ta,

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

RYHPACHANEINA 27:24

“Arulâta a vaih a thiepa cha chhiesapa ta y mawh sy,” tah aw ei ta, zawpi ta, “Amen” ama tah aw.