1 ABEIZY 2:4 - Mara Bible RV (BSI)

⁴ Chatanachata Abeipa ta keima kyh liata, ‘Na pathlazy ta ama lâpi pakhâta ta pachâ ei sala, ama pathipalôh tlokhuh ta nata ama thlahpa tlokhuh ta ei hmiakô liata ngâchhihpa ta ama y khiahta cha, Izarei beidyuchhai liata a tyuh awpa chie aw veih ei,’ tahpa ta a reipa kha a pa-i aw.

1 ABEIZY 2:4 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

2 SAMUELA 7:25

Chavâta tahmâ he, Hy Zehôvâh Khazohpa y, châ chakaotuhpa nata a pathlazy kyh na reipa kha, chhâzaw châta pa-i la, na reipa hawh tlai ta tao mah y.

1 ABEIZY 1:48

Chatawhcha abei ta, ‘Abeipa, Izarei Khazohpa cha reithaipa ta y mawh sy! Ei beidyuchhai liata a tyuh awpa tanoh rao ha ta, ei mo tlai ta ei hmô haw,’ tahpa ta a rei pâ cheingei,” tah ta.

1 ABEIZY 11:36

Ei moh y nawpa ta ei tlyhpa Zerusale khihpi liana heta nâ chakaotuhpa Dâvi cha meiôh a hnei lymâ thei nawpa ta, a sawchapawpa hnohta chi kha ei pie aw.

1 ABEIZY 3:14

Na paw Dâvi ta ei lâpizy â chhihpa hawhta, nâ chhao ta ei lâpizy a chhihpa ta, ei bieraopazy nata ei biepiepazy na zyh khiahta cha, na hro ei pasisa aw,” tah ta.

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

1 ABEIZY 6:12

“He Achhyna o na sa haipa kyh liata, ei bieraopazy a pyhpa ta, ei ryureinazy a ngiahpa ta, ei biepiepa zydua zyhpa ta nâ chhih khiahta cha, na paw Dâvi hnohta bie ei vaw taih hapazy kha nâma liata ei patlô aw.

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

1 ABEIZY 9:5

na paw Dâvi hnohta, ‘Izarei beidyuchhai liata a tyuh awpa na pathla tawhta chie aw veih ei,’ tahpa ta bie ei vaw taih hapa hawhta, Izarei chô liata nâ beina beidyuchhai cha chhâzaw ta ei pa-i aw.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

2 ABEIZY 23:25

Mawsi ryhpa zydua hawhta, pathipalôh tlokhuh ta nata thlahpa tlokhuh ta nata thatlôna tlokhuh ta Abeipa lâ a heihpa Bei Zôsia hawhpa cha, ano hlâta a ypa beizy hry liata ahy hmah y leipa ei ta, ano hnôhlâ ta beizy hry liata chhao ano hawhpa ahy hmah y khao veih ei.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 17:3

Zehôsaphâ cha a pathlatuhpa Dâvi lâpi â chhih hrapa vâta, a hnohta Abeipa y ta. Bâlâ khazohzy tlua leipa ta,

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 THÂTIHZYRONA 7:18

na paw Dâvi hnohta, ‘Izarei chô liata ryu a reih awpa na pathla tawhta chie aw veih ei,’ tahpa ta bie ei hrai hapa hawhna khata, nâ beina beidyuchhai cha ei pa-i lymâ aw.

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 37:22

Abeipa ta byhnâ a piepazy ta, Râh ryu to aw ei ta, Abeipa ta chhie a sa hapazy deikua cha, Chhawh pathlahpa ama châ aw.

HLAZY 37:9

Hmoparaopazy cha chhawh pathlahpa châ aw ei ta, Abeipa a hâtuhpazy deikua cha, râh he ryu ta ama to aw.

HLAZY 39:1

“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

ZEREMIAH 33:17

“Abeipa ta hetana heta a tah: Dâvi cha Izarei pathlazy beidyuchhai liata a tyuh awpa chyhsa a phahla beih aw vei.

THEIHTHAINA 26:3

“Ei bieraopazy zipa ta, ei biepiepazy zyhpa ta nama tao khiahta cha,

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.

MATHAI 22:37

Zisu ta a hnohta, “Abeipa na Khazohpa cha na pathipalôh tlokhuh ta, na thlahpa tlokhuh ta nata na pachâna tlokhuh ta kyh na pachâ awpa a châ.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

RYHPACHANEINA 7:12

“Cha pachiana biezy cha nathliepa ta, zyh ei chi ta nama taopa vâta, Abeipa nama Khazohpa ta châ pathlatuhpazy hnohta bie â vaw taihpa a biehrai nata a ngâchhihna nama chô liata a patlôsa aw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,