1 ABEIZY 2:32 - Mara Bible RV (BSI)

³² Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

1 ABEIZY 2:32 ပူးပေါင်းရင်းမြစ်များ

ÂTHAONA 4:11

Chavâta na unawhpa na thie nota, a thisaih palâ awpa ta a pakah a kaw âpa chhaohlei tawhta chhiesapa na châ haw.

ÂTHAONA 42:22

Rubena ta âmo cha a chhy ta, “Hawtipa chô liata hmo parao lei awpa ta cha chho veih ei na mâ? Nama nathlie khoh leipa kha. Chavâta a thisaih phuh lapa a châ ha tlai hih,” tah ta.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 SAMUELA 1:16

Dâvi ta a hnohta, “Na thisaih maoh cha na luh liata y mawh sy. ‘Abeipa sathawthupa ei thie,’ na tahpa vâta, nâma pakah tlai ta thailei a cha pachâ haw,” tah ta.

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

2 SAMUELA 3:29

Thisaih maoh cha Zôabâ luh chô liata tla sala, a paw o liata tla mawh sy. Zôabâ pathlazy hry liata thi lohpa, phawhpa, chôchahrei a chhypa, zaozi ta a thipa nata niedo a phahlapa zy y lymâ mawh ei sy,” tah ta.

2 SAMUELA 3:37

Chatanachata cha noh liata, zawpi zydua nata Izarei saw zydua ta Nerâ sawchapawpa Abane thiepa a châpa cha abei bie châ vei tahpa pahno ei ta.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

2 SAMUELA 4:11

Chyhsa moleipazy ta chyhsa siapa ano o chhôh liata a rakhô lia cheingei ta ama thiepa cha, moleina rarôh y chaipa a châ. Chavâta a thisaih maoh nama ku tawhta a hnaw aw na ta, alei tawhna heta ei cha pahleipadia thlyu aw ei” tah ta.

1 ABEIZY 2:44

Abei ta Simei hnohta, “Ei paw Dâvi na pasasana zydua kha na palôh liata na pahno ngâ thlâh ha aw. Chyhsa na pasana kha Abeipa ta nâma luh chô liata a cha vaw palie thlu aw.

1 ABEIZY 2:5

“Zeru sawchapawpa Zôabâ ta ei chô liata a hmotaopa kha na pahno: Izarei pheisaihzy hyutuhpa pano, Nerâ sawchapawpa Abane nata Zethe sawchapawpa Amâsâ zy chô liata a hmotaopa kha na pahno. Âmo kha thie ta, adyuhna liata thisaih palopa cha adyhna daihti liata phuh la ta, thaileina a hnei leipa thisaih cha a chai liata chaisaih nata a phei liata pheikyzy liata a kia hapa kha a châ.

1 ABEIZY 8:32

vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

2 THÂTIHZYRONA 21:13

Izarei maw lâ beizy lâpi tlao a chhih chi ta, Ahabâ chhôhkha ta Izarei maw lâ râh sihryhna lâ amâ chhipa hawhta, Zudâh râhsaw nata Zerusale khihsawzy sihryh awpa ta reipasao chi ta, nâma hlâta a pha viapa na paw pathla na unawhzy na thiepa vâta,

2 THÂTIHZYRONA 21:14

pachâ teh, Abeipa ta na chyhsazy, na sawzy, na lapinôzy nata na hneipa zydua chô liata potlana rarôh ypa a vaw patlôsa aw.

ESTHERI 1:19

Abei alynazie a châ khiahta cha, bei biepiepa pathâhsapa châ sala, Vâsti cha Bei Ahasuarâ hmiakô liata a luah beih khao lei awpa ta taopa châ sala, panano thei khao lei awpa ta, Persia nata Media ryhpazy hry liata pahlaopa châ mawh sy. Beinô a châna chhao, ano hlâta a pha viapa hnohta abei ta pie mawh sy.

HLAZY 7:16

A hrochhiena ta ano luh chô liata a vaw lie thlu ta, A nôchhiena ta ano luh ru liata a tla thlu.

HLAZY 7:17

Abeipa cha a siana vâta a chô liata alyna bie reih aw na ta, Abeipa Chônôchaipa moh reithaina hla ei sa aw.

EZEKIA 17:19

“‘Chavâta Abeipa Zehôvâh ta hetana heta a tah: Ei hrona reipa ta ei reih. Bietai a papeisa leipa he keima bietai châ ta, biehrai a paraopa he keima biehrai a châ. Chavâta ei bietai nata ei biehrai hawhta a luh chô liata ei patlôsa aw.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

RYUREITUHPAZY 9:24

Cha hmo cha Zerubâlâ sawchapaw sysarizy chô liata nôchhie ngaitapa ta ama taopa kha âmo chô liata palie thlusapa ta, ama thisaih maoh cha âmo a thietuhpa ama unawhpa Abimele chô liata paphaosa ta, a unawhzy thie awpa ta a ku tha a patlôtuhpa Sekhe mo chô liata chhao paphaosapa ta a y thei nawpa ta taopa a châ.

RYUREITUHPAZY 9:57

Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.