1 ABEIZY 2:3 - Mara Bible RV (BSI)

³ Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

1 ABEIZY 2:3 ပူးပေါင်းရင်းမြစ်များ

2 SAMUELA 8:14

Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

HLAZY 119:138

Bieraopa na taopazy sia ta, Tlokhuh ngâ tlâhpazy ama châ.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

THEIHTHAINA 8:35

Ahmaohna poh o chhikao liata noh sari chhôh chhô nah zâ ta y aw ei chi ta, nama thi lei nawpa ta, Abeipa biepiepa cha nama zyh awpa a châ. Cha cha ei hnohta biepiepa a châ,” tah ta.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

RYHPACHANEINA 29:8

Ama râh la pi ta, Rubena chi, Kâdâ chi nata Manase chi khophie pahrâ nawpa ta eima pie.

RYHPACHANEINA 29:9

Chavâta nama hmotaopa zydua liata thlaochhipa ta nama y lymâ thei nawpa ta, he biehrai biezy he zyh u la tao teh u.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 4:8

He tlu ta adopa ryhpa tanoh nama hmiakô liata ei sopa zydua hawhpa bieraopa nata pachiana a hnei hrapa kheihawhpa phopi rônahpa ma a y?

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.

ZAWSUA 23:6

Chavâta Mawsi ryhpa châbu liata ropa zydua riahphapa ta zyh u la, tao teh u. Chachâh lâ tlyma, chavei lâ tlyma, tleisai cheita khuh vy.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.