1 ABEIZY 2:28 - Mara Bible RV (BSI)

²⁸ Cha thâtihzy cha Zôabâ ta a vaw thei nahta, Abeipa poh o lâ a râ ta, maisâh kizy kei patu ta. Zôabâ heta Absalaw kha cha a chhâh â châh lei tarawpa ta, Adôniza chhâh deikua cha a châh ta.

1 ABEIZY 2:28 ပူးပေါင်းရင်းမြစ်များ

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

2 SAMUELA 18:2

Dâvi ta pheisaihzy cha tuah ta, su thôh su kha cha Zôabâ ta hyu ta, su kha cha Zôabâ unawhpa Abisai, Zeru sawchapawpa ta hyu ta, su kha hropa cha Kiti chyhsa Itai ta a hyu ei. Abei ta pheisaihzy hnohta, “Keima chhao nama hnohta ei vaw sie hra aw,” tah ta.

1 ABEIZY 1:50

Adôniza chhao ta Sawlawmaw cha chi ngaita ta, thyu ta, sie ta, maisâh kizy kei patu ta?

1 ABEIZY 1:7

Adôniza ta Zeru sawchapawpa Zôabâ nata theihthaipa Abiathâ a saohiah ta. Ama pano ta Adôniza cha pazipa ta bao ei ta.

PUASAINA 21:14

Châhrasala chyhsa ta achhuahna hneipa ta a vaih chô liata ku pathla sala, piehpiepa ta a vaih cha a thie khiahta cha, cha chyhsa cha abohna tluapa ta ei maisâh lâ â râpa chhao ta, cha tawhta la papua aw chi ta, a thi awpa a châ.

PUASAINA 27:2

Maisâh chaki miah palih liata a kizy tao aw chi ta, cha a kizy cha maisâh nata â pazao khai awpa châ ta, dawh ta na pahu aw.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.