1 ABEIZY 2:26 - Mara Bible RV (BSI)

²⁶ Abei ta theihthaipa Abiathâ hnoh­ta, “Anathô khih liata na o lâ a di teh. A thi tlâh châ chi ta, châhrasala ei paw Dâvi hmiakô liata Abeipa Zehôvâh Byh a sy tyhpa na châpa vâta nata ei paw rietheitaona zydua liata a vaw taokhei tyhpa na châpa vâta, tahmâ la cha thie mâh aw va na,” tah ta.

1 ABEIZY 2:26 ပူးပေါင်းရင်းမြစ်များ

2 SAMUELA 12:5

Dâvi cha cha chyhsa chô liata a hiehâh ngaita ta, Nâthâ hnohta, “Abeipa hrona reipa ta ei reih, cha hmo a taotuhpa cha thi tlâh a châ,

1 ABEIZY 1:25

Tanoh zu ta, viahchao tôhpazy, sahroh dawpa pathawhpazy nata mietaku­zy thata thie ta, abei sawchapawpa zydua nata pheisaih hyutuhpazy nata theihthaipa Abiathâ zy hrua ta. Adôniza hmiakô liata niepa ta doh ei ta, ‘Bei Adôniza hroh pareih mawh sy!’ ama tah.

1 ABEIZY 1:7

Adôniza ta Zeru sawchapawpa Zôabâ nata theihthaipa Abiathâ a saohiah ta. Ama pano ta Adôniza cha pazipa ta bao ei ta.

1 ABEIZY 2:35

Abei ta Zehôdâ sawchapawpa Benai cha, Zôabâ vyuhpa ta pheisaih hyutuhpa ta soh ta, abei ta Zadô cha Abiathâ vyuhpa ta theihthaipa ta a tao.

ISAI 10:30

Hy Kâli zuah y, ao paro ngaitapa ta awh la, Hy Laisah khih y, na nah pachôh teh! Hy Anathô, ngiachhie nâ chhih kaw dia!

ZEREMIAH 1:1

He biezy he Benzami râh Anathô khihpi liata theihthaipazy hry liatapa, Hikia saw­chapawpa Zeremiah biezy a châ.

MATHAI 10:42

Ahy rai, he chyhsa chyhpatazy hry liata pakha hnohta, ei pachupa a châpa vâta ti chakuapa nyu kha a piepa cha, hmeiseihta ta ei cha chho ei, a lymâ pahlei cheita aw vei.”

LUKA 22:28

“Nâmo cha rairuna ei tyh nota nâ ypâpazy châ ei chi ta,

KALATIA 3:4

Hraoleipa hmo châ tlai sala, hraoleipa liata ma pasa hluhpi nama vaw tao?

ZAWSUA 21:18

Anathô khihpi nata a chabyzy, Almaw khihpi nata a chabyzy piepa châ ei ta, khihpi miapalih piepa ama châ.

1 SAMUELA 2:32

Izarei chô liata hneirôna ei tobi awpa zydua cha vâsâhpa nata hiatliapa ta moh aw chi ta, na chipathlazy hry liata machâpa chhâzaw ta y khao aw veih ei.

1 SAMUELA 26:16

Na hmotaopa kha a pha lei ngaita. Abeipa hrona reipa ta ei reih, Abeipa sathawthupa na zibeipa na vaih leipa vâta, a thi tlâh na châ. Abei luh chô liata asei nata titheih kha khataih liata ama y, vaw moh tua,” tah ta.