1 ABEIZY 2:24 - Mara Bible RV (BSI)

²⁴ A bietai hawhta na padua ta, ei paw Dâvi beidyuchhai liata na patyusa ta, phopi ta nâ paduatuhpa Abeipa hrona reipa ta ei reih. Adôniza he tanoh tlai heta thie awpa a châ,” tah ta.

1 ABEIZY 2:24 ပူးပေါင်းရင်းမြစ်များ

2 SAMUELA 12:10

Khâpasaw ta na rei leipa chi ta, Hiti chyhsa Uria lapinô cha na lapinô ta na hneipa vâta, zaozi ta na pathlazy puasai khao aw vei,’ tah ta.

2 SAMUELA 7:27

Hy Pheisaihzy Abeipa, Izarei Khazohpa y, nâma tlai ta, châ chakaotuhpa hnohta, ‘Chipathlazy ei cha paduapa aw,’ tahpa ta phuah ha chi ta, chavâta châ chakaotuhpa heta he thlahchhâna he na hnohta ei vaw tlôkhei ngâhpa a châ.

1 ABEIZY 1:29

Abei ta Bâsebâ cha bie a taih ta, a hnohta, “Nôpona zydua liata ei thlahpa a chatlaituhpa Abeipa moh reipa ta ei reih,

1 ABEIZY 1:46

Sawlawmaw cha khinarâh beidyuchhai liata â tyuh haw.

1 ABEIZY 1:52

Sawlawmaw ta, “Chyhsa ngâchhihpa a châpa a palâsa khiahta cha, a sâbu miakha chhao alei liata tla aw vei. Paraona ano liata hmôpa a châ khiahta deikua cha a thi aw,” tah ta.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

1 THÂTIHZYRONA 17:10

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua ei panawhsa khai aw ei. Cha dei châ vei, Abeipa ta chipathla a cha paduapa aw tahpa na hnohta ei phuah.

1 THÂTIHZYRONA 17:17

Hy Khazohpa y, cha chhao cha na mohmô liata la, hmo chyhpata dei a châ. Hy Zehôvâh Khazohpa y, châ chakaotuhpa pathlazy kyh kô hluhpi châta reih ha chi ta, chyhsa rônahpa hawhta eina pachâ chi!

1 THÂTIHZYRONA 17:23

Chavâta tahmâ he, Hy Abeipa y, châ chakaotuhpa nata a pathlazy kyh na reipa kha, chhâzaw châta pa-i la, na reipa hawh tlai ta tao mah y.

1 THÂTIHZYRONA 22:10

Ano ta ei moh châta o a sa aw. Ano cha ei sawchapawpa châ aw ta, kei a paw ei châ aw. Â beina beidyuchhai cha Izarei râh liata chhâzaw châta ei padua aw,’ tahpa ta na chho ha ta.

1 THÂTIHZYRONA 29:23

Chatana­chata Sawlawmaw cha a paw Dâvi su liata bei châ awpa ta Abeipa beidyuchhai liata a tyuh ta. Vânoh thata to ta, Izarei saw zydua ta a rei amâ ngiah lymâ.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

PUASAINA 1:21

Nawhpaytuhpazy chhao Khazohpa a chipa ama châpa vâta, Khazohpa ta chhôhkhazy a paduapa hra ei.

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.