1 ABEIZY 2:2 - Mara Bible RV (BSI)

² “Khizaw ryhpa hawhta, kei chhao ei sie nawpa daihti â hnia haw. Thatlôpa ta y la, chapawsaw kawpa ta y mah y.

1 ABEIZY 2:2 ပူးပေါင်းရင်းမြစ်များ

2 SAMUELA 10:12

Riahphapa ta y u la, eima phopi nata Khazohpa khihpizy châta riahphapa ta y ei suh u. Abeipa ta pha a tahpa hawhta tao mawh sy,” tah ta.

2 SAMUELA 12:23

Châhrasala tahmâ cha thi ha ta, khazia kâhvileipa ta ei y ngâ kaw khao aw? Ei aw pakhua thei aw ma? Kei he ano lâ a sie awpa tlao ei châ, ano la kei lâ vaw kua khao aw vei,” tah ta.

1 ABEIZY 3:7

Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

1 THÂTIHZYRONA 22:16

Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

ZAWBÂ 16:22

Kô chyhta a khô tawhta, Heih lei râh lâ sie aw na ta, Vaw kua khao aw va na.

ZAWBÂ 30:23

Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

HLAZY 89:48

Kheihawhpa chyhsa ma thina hmô leipa ta A hroh thlâh ha aw tly? Ahy ma Athihkhih hmotaotheina tawhta A hro a pachha thei aw tly? Selah

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

ZAWSUA 23:14

“Tahmâ cha khizaw zydua siezie hawhta ei sie hra daihti liahsa â hnia haw. Abeipa nama Khazohpa ta nâmo kyh liata bie pha a vaw rei hapa zydua kha, a patlô leipa miakha hmah y vei tahpa nama pathipalôh tlokhuh ta nata nama thlahpa tlokhuh ta nama pahno. Nama chô liata vaw tlô khai ta, a tlô leipa miakha hmah y vei.