1 ABEIZY 19:4 - Mara Bible RV (BSI)

⁴ Elaizâh cha râhchawhpa lâ noh kha sie via ta, ophi buh ry liata a tyuh ta, thi awpa ta hiah ta, “Â daih ha na, Hy Abeipa y, ei hrona he tahmâ la thlâh ha bâ mah y. Nâ pathlatuhpazy hlâta pha via hlei va na,” tah ta.

1 ABEIZY 19:4 ပူးပေါင်းရင်းမြစ်များ

1 ABEIZY 13:14

Khazohpa chyhsa cha a chadai ta, ôkâ tho ry liata â tyu thlâh hapa kei hmô ta, a hnohta, “Nâma he ma Zudâh râh tawhta a vypa Khazohpa chyhsa chi cha?” tah ta. Ano ta, “Ei châ mâh tâh,” tah ta.

1 ABEIZY 19:3

Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

1 ABEIZY 19:5

Ophi buh ry liata a zia ta, a mô ha ta. Vâlyuhchâpa ta vaw hria ta, a hnohta, “Thyu la nie teh,” tah ta.

2 ABEIZY 2:11

Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

ZAWBÂ 6:8

“Aw, ei hiapa hmô thei aw sah la cha, Khazohpa ta ei hnabeiseihna hlao patloh sala,

ZAWBÂ 6:9

Na physao khoh sala, A ku hypa ta na chhawh pachhô ha sala ei tah kaw dia!

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

AMÔSÂ 6:2

Kalne lâ sie u la, moh tua u, Cha tawhna chata Hâmathi laipa lâ sie u la, Philistinâ râh liata Kâthâ lâta zu tua u. Cha râhzy hlâta nama pha via ma? Nâmo râh hlâta âmo râh a lai via ma?

ZAWNA 4:3

Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

NÂHU 3:8

Thebe khihpi hlâta na pha via ma? Nile chavah kiah liata y ta, Ti ta chadôpa ta, A diahsua tilaipi châ ta, A thokhy tizy a châpa hlâta na pha via ma?

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.

MATHAI 6:26

“Vâ pavawzy khi moh tua u: Chi cheih leipa ei ta, hria hra leipa ei ta, sawvâ liata ryh hra veih ei. Châhrasala nama Paw vârâh liata a ypa ta a pasa lymâ ei. Nâmo cha âmo hlâta sôh via syulyu veih ei chi ma?

ZAWHÂNA 4:6

Zakaw tikhaoh chhao cha liata a y. Zisu cha a sie rietheipa vâta tikhaoh kiah liata a tyu ta. Nohchhô lichih châ ta.

RAWMA 3:9

Cha khiahta la, keimo Zuzy pi he Krikâh mo hlâta eima pha via hlei ma? Châ bao va! Zuzy chhao, Krikâh mo chhao, moleina sei liata a ypa eima châ khaizie eima rei hapa kha.