1 ABEIZY 19:3 - Mara Bible RV (BSI)

³ Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

1 ABEIZY 19:3 ပူးပေါင်းရင်းမြစ်များ

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 21:31

Cha su liata ama pano ta bie amâ taih raihriepa vâta, cha su cha Besebâ bipa a châ.

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

PUASAINA 2:15

Phiraoh ta cha thâtih cha a pahno nahta, Mawsi cha thie a chhuah ta. Châhrasala Mawsi cha Phiraoh hmiakô tawhta a râ ta, Midia râh liata kei y ta. Noh kha cha tikhaoh kiapâh liata a tyuh ta.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.

1 SAMUELA 8:2

A sawchapaw uhtheipa moh cha Zôela châ ta, a pazipa moh cha Abizah a châ. Âmo pano he Besebâ liata ryureituhpazy ama châ.