1 ABEIZY 18:7 - Mara Bible RV (BSI)

⁷ Ôbadia cha lâpi liata a sie laih nota, Elaizâh ta a vaw tyh ta. Ôbadia ta Elaizâh cha pahno thlâh ha ta, â khu lâta pao ta, a hnohta, “Nâma ma na châ, ei zibeipa Elaizâh?” tah ta.

1 ABEIZY 18:7 ပူးပေါင်းရင်းမြစ်များ

ÂTHAONA 18:12

Chavâta Sârâ cha arulâta pahneih ta, “Ei machâ ha tawhta alyna ei hnei heih aw ma? Ei zibeipa chhao machâ ha ta,” tah ta.

ÂTHAONA 18:2

Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta,

ÂTHAONA 44:16

Zudâh ta, “Ei zibeipa hnohta khâpa eima cha chho aw? Khâpa eima reih aw? Kheihawhta ma eimâ reipasia thei aw? Khazohpa ta châ chakaotuhpazy moleina a hmô hapa a châ. Keimo chhao, a ku liata nyu ama hmôpa chhao, ei zibeipa chakaotuhpazy eima châ,” tah ta.

ÂTHAONA 44:20

Keimo ta ei zibeipa hnohta, ‘Paw hnei pi ta, ano cha pawpi kaw bâ ta, a pawpi tawhta a sapa unawh hawtipa pakha eima hnei. Ano unawhpa cha thi ha ta, ano nô ta a sapa liata ano deita hroh ta, a paw ta ano cha a dao ngaita,’ tahpa ta cha chho pi ta.

ÂTHAONA 44:33

Chavâta ngiachhiepa ta châ chakaotuhpa he hawtipa vyuhpa ta ei zibeipa chakaotuhpa ta na paysa la, hawtipa he cha a unawhzy hnohta rie paliesa mah y.

ÂTHAONA 50:18

A unawhzy cha vawh ei ta, a hmiakô liata a bôh ei ta, “Moh teh, châ chakaotuhpazy eima châ,” tah ei ta.

2 SAMUELA 19:18

Abei chhôhkha nata hmobaohzy balyh ta paly lymâ ei ta, abei khopa maih tao lymâ ei ta. Bei Davi Zawdâh a chaka chy ta, Kerâ sawchapawpa Simei cha a hmiakô liata â khu lâta pao ta,

1 ABEIZY 11:29

Cha daihti liata, Zerôbaw Zerusale tawhta a puapa cha Silôni chyhsa hrohsopa Ahiza ta lâpi liata vaw hmô ta. Ahiza cha chysia thiehpa a tobi ta, ama pano deita ta lyurâhpa liata y ei ta.

1 ABEIZY 18:6

Râh chahryh awpa ta a rai ei ta. Ahabâ cha ano deita hiakha lâ sie ta, Ôbadia chhao ano deita hiakha lâ sie ta.

1 ABEIZY 18:8

Elaizâh ta a chhy ta. “Keima na ei châ. Sie la, na zibeipa hnohta, ‘Elaizâh hao liata a y,’ tahpa ta kei chho mah y,” tah ta.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

MALUHREINA 12:11

Arawna ta Mawsi hnohta, “Hy ei zibeipa, eima moleina vâta rie miah hrie khah y, hru ngaitapa ta tao pi ta, eima vaw molei haw.

MATHAI 11:8

Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

1 SAMUELA 20:41

Hawtipa a siepata nahta, Dâvi cha alô pachopa chho lâ chhâh tawhta vaw pua ta, a hmia alei liata a khupa ta ei thôh a bôh ta. A pahnâ raihriepa ta, a chakhei raihrie ei ta, Dâvi cha a cha via pachai.