1 ABEIZY 18:5 - Mara Bible RV (BSI)

⁵ Ahabâ ta Ôbadia hnohta, “Râh zydua chahryh la, tihnawh zydua nata saikao zydua chahryh khai mah y. Arâzy nata sabaituzy eima pachha thei nawpa ta sibiepazy eima hmô thei ngyu aw. Chataleipatala sahrohzy he eima pahlei khai pathlei aw na,” tah ta.

1 ABEIZY 18:5 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 18:6

Râh chahryh awpa ta a rai ei ta. Ahabâ cha ano deita hiakha lâ sie ta, Ôbadia chhao ano deita hiakha lâ sie ta.

HLAZY 104:14

Sahrohzy châta sibiepa papyusa chi ta, Chyhsapa chhei awpa ta chicheipa papyusapa ta, Alei tawhta nie awpa na papua.

ZEREMIAH 14:3

Chhituhpazy ta chakaotuhpazy ti pathaisa ei ta, Tikhaohzy yna lâ ama pangai; Châhrasala ti hmô leipa ei ta, Ama tibeihzy aruapa ta kuakhei ei ta, Nozapa nata vâsâhpa ta ama luh amâ khu.

ZÔELA 1:18

Sahrohzy a rôhpa pasazie rimâ cha! Sibie hrohpa a y khao leipa vâta, Viahchao hrizy ama nôpo ta, Mietaku zawzy pasa ama tao.

ZÔELA 1:20

Vahtie tizy kua khai ha ta, Râhchawhpa liata sibiepazy Mei ta a kâ khai hapa vâta, Hy Abeipa, râhsazy taihta ama cha vâ.

ZÔELA 2:22

Râhsazy saih u, chi khuh vy; Râhchawhpa sibiepazy kaw thao heih ei ta, Thozy ama pathei heih hih; Theiku kôzy ta thei hluhpi pathei heih ei ta, Kre zôhzy ta thei hluhpi ama pathei heih hih.

AMÔSÂ 4:8

Chavâta khihpi miano miathôh ta Ti do awpa tluapa ta, Khihpi miakha lâ sie ei ta, Châhrasala ama lôhrâ tlô hlei vei; Chatanachôta kei lâ vaw kua veih ei chi,” Abeipa ta a tah.

HABAKU 3:17

Theiku kô pawh leipa ta, Kre zôhzy pathei vei hra sala; Ôli thei pathei leipa ta, Lyuzy ta niedo papua vei hra sala; Mietaku o tawhta mietakuzy leidia khaipa ta, Viahchao ozy liata viahchao y vei hra sala;