1 ABEIZY 18:22 - Mara Bible RV (BSI)

²² Elaizâh ta zawpizy hnohta, “Abeipa hrohsopa a y chhôhpa cha keima deita he châ bâ na ta, Bâlâ hrohsopazy deikua cha 450 ama y.

1 ABEIZY 18:22 ပူးပေါင်းရင်းမြစ်များ

1 ABEIZY 18:23

Viahchao tôhpa pô no miah vaw pie ei sala, âmo châta pô kha amâ tlyh aw. Viahchao tôhpa cha a vyuh vyuh ta pachhaih aw ei ta, tho chô liata soh aw ei ta, mei deikua a ry liata ama pati awpa châ vei. Kei chhao viahchao tôhpa pô kha a chhuanoh hra aw na ta, tho chô liata soh aw na ta, a ry liata mei patih hra aw va na.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:14

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 20:13

Hrohsopa pakha ta Izarei bei Ahabâ cha a kei hnia ta, a hnohta, “Abeipa ta hetana heta a tah: ‘He zawpi hluh ngaitapazy he na hmô ma? Moh teh, âmo he tanoh na ku liata ei cha pie aw. Chatanachata kei he Abeipa ei châ tahpa na pahno aw,’” tah ta.

1 ABEIZY 20:32

Chatanachata latho poh a saipa ta, ama luh chaori ta a buhpa ta, Izarei bei lâ cha vawh ei ta, a hnohta, “Châ chakaotuhpa Benhadâ ta, ‘Ngiachhiepa ta na pahlôh mawh sy,’ a cha tah,” tah ei ta. Ahabâ ta, “A hroh thlâh ha chy ma? Ano cha ei unawhpa mah a châ tâh,” tah ta.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

1 ABEIZY 20:38

Hrohsopa cha sie ta, lâpi liata abei cha a vaw byh ta, chyhsa ta ama pahno lei nawpa ta a khiriena ta a mo khu ha ta.

RAWMA 11:3

“Abeipa, na hrohsopazy thie ei ta, na maisâhzy pacho ei ta, kei deita y na ta, kei chhao thie einâ chhuah ei,” tah ta.