1 ABEIZY 18:12 - Mara Bible RV (BSI)

¹² Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

1 ABEIZY 18:12 ပူးပေါင်းရင်းမြစ်များ

1 ABEIZY 18:11

Tahmâ nâma ta, ‘Sie la, na zibeipa hnohta, “Elaizâh hao liata a y,” tahpa ta kei chho mah y,’ na tah chi ta.

2 ABEIZY 2:11

Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

2 ABEIZY 2:16

A hnohta, “Tahmâ pachâ teh, châ chakaotuhpazy hnohna heta chyhsa thatlôpa sypangawh ama y. Na zibeipa tlua awpa ta âmo cha pasiesa ei suh u. Abeipa Thlahpa ta khykhei aw ta, khataih tlâh liata tlyma, khataih saikao liata tlyma, a pathla thei ngyu mâh tâh,” tah ei ta. Elaisâh ta, “Nama pasiesa awpa châ vei,” tah ta.

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

HLAZY 71:5

Hy Abeipa, nâ cha ei hnabeiseihna châ chi ta, Hy Abeipa, ei hawti no tawhta ei ngâchhâpa na châ.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

EZEKIA 11:24

Kei cha Thlahpa ta na chalo ta, Kha­zohpa Thlahpa ta aluahna ta Kaldia râh seichâna liata a ypazy lâ nâ chhi ta. Chatawhcha aluahna ei hmôpa cha na kiasai ha ta.

EZEKIA 37:1

Abeipa ku ei chô liata y ta, Abeipa Thlahpa ta nâ chhi ta, saikao liah liata na soh ta. Cha saikao cha ru ta bie thlâh ha ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 4:1

Cha khai tawhta Zisu cha ahripa ta a reipasao awpa ta, Thlahpa ta râhchawhpa lâ a chhi ta.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

HMOTAOPAZY 12:19

Herawda ta Pity cha tlua ta, a hmô thei khao lei nahta, vaituhpazy kyh cha a chu pasiapa ta, âmo cha thie awpa ta biepie ta. Herawda cha Zudia tawhta Kaisaria lâ zu ta, cha liata y thlâh ha ta.

HMOTAOPAZY 8:39

Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

1 SAMUELA 16:2

Samuela ta, “Kheihta ma ei sie thei aw? Sawla ta a vaw thei khiahta cha, ei na thie aw mâh tâh,” tah ta. Abeipa ta, “Viahchao zeinô a chhi la, ‘Abeipa lâta atheihna hlâ awpa ta ei vy,’ na tah aw.

1 SAMUELA 2:18

Hawtipa Samuela cha lini ephaw a kypa ta, Abeipa hmiakô liata chakao lymâ ta.

1 SAMUELA 2:26

Hawtipa Samuela cha laiseih lymâ ta, Khazohpa nata chyhsapa modypa ta y ta.