Elaizâh ta a hnohta, “Na sawchapawpa cha na vaw pie teh,” tah ta. Hawtipa cha a nô bâh tawhta la ta, ano â ziana, ochô lâta chhôhpadâhpa lâ kiakhei ta, a rakhô liata pazia ta.
Hawtipa chô liata ei thôh a byuhnie ta, Abeipa cha pado ta, “Hy Abeipa ei Khazohpa y, ei châ haw na, he hawti hrona he ano lâta rie vaw pakuasa heih mah y,” tah ta.
Hezekia cha Abeipa hmiakô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.
Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.
Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?