1 ABEIZY 17:18 - Mara Bible RV (BSI)

¹⁸ O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

1 ABEIZY 17:18 ပူးပေါင်းရင်းမြစ်များ

ÂTHAONA 44:16

Zudâh ta, “Ei zibeipa hnohta khâpa eima cha chho aw? Khâpa eima reih aw? Kheihawhta ma eimâ reipasia thei aw? Khazohpa ta châ chakaotuhpazy moleina a hmô hapa a châ. Keimo chhao, a ku liata nyu ama hmôpa chhao, ei zibeipa chakaotuhpazy eima châ,” tah ta.

ÂTHAONA 50:15

Ama paw a thi hapa ama hmô nahta, Zawsi unawhzy ta, “Zawsi ta miah a hao aw ta, a chô liata hmo pha leipa eima taopa zydua kha viari miah a thô bâ aw,” tah ei ta.

ÂTHAONA 50:17

‘Na unawhzy paraona nata ama moleina zy a ngiahthai mah y, na chô liata hmo ama parao haw, tahpa ta Zawsi nama chho aw,’ miah tah ta. Chavâta tahmâ na paw Zakaw Khazohpa chakaotuhpazy paraona cha rie a ngiahthai mah y,” tah ei ta. Cha hawhta a hnohta bie ama reipa a thei nahta, Zawsi cha cha ta.

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

2 SAMUELA 19:22

Dâvi ta, “Nâmo Zeru sawchapawpa saih u, kheihta ma ei cha tao aw ei tly? Khazia tanoh he nâ dyuhtuhpa nama châ tly? Tanoh he Izarei liata chyhsa thie awpa noh a châ ma? Tanoh he Izarei chô liata abei ei châ tahpa pahno va na mâ?” tah ta.

1 ABEIZY 12:22

Châhrasala Khazohpa chyhsa Semiah hnohta Khazohpa bie vaw tlô ta,

1 ABEIZY 13:1

Abeipa biepiepa hawhta, Zudâh tawhta Khazohpa chyhsa pakha Bethel lâ a vy ta. Zerôbaw cha maisâh kiapâh liata hmo hlâ awpa ta a duah ta.

1 ABEIZY 17:17

Cha hnôhlâ ta o hneituhnô sawchapawpa cha tlâh leipa ta vaw y ta. A pasapa a paru ngaitapa vâta a hu chhâ ha ta.

1 ABEIZY 17:19

Elaizâh ta a hnohta, “Na sawchapawpa cha na vaw pie teh,” tah ta. Hawtipa cha a nô bâh tawhta la ta, ano â ziana, ochô lâta chhôhpadâhpa lâ kiakhei ta, a rakhô liata pazia ta.

1 ABEIZY 18:9

Ôbadia ta, “Khâpa hmo parao ha na ta ma, châ chakaotuhpa he thie awpa ta Ahabâ ku liata na hlâ nâ chhuah tly?

1 ABEIZY 20:28

Khazohpa chyhsa ta Izarei bei cha a kei hnia ta, bie a chho ta, a hnohta, “Abeipa ta hetana heta a tah: ‘Aramia mo ta, “Abeipa cha tlâhzy khazoh châ ta, saikaozy khazoh châ vei,” tah ei ta, chavâta he zawpi hluh ngaitapazy he na ku liata cha pie aw na ta, kei he Abeipa cha ei châ tahpa nama pahno aw,’” tah ta.

2 ABEIZY 1:9

Abei ta pheisaih sypangawh hyutuhpa cha a pheisaih sypangawh chhaota Elaizâh lâ tuah ta. Tlâh laki liata a tyuhpa Elaizâh lâ khy ta, a hnohta, “Nâ, Khazohpa chyhsa y, abei ta, ‘A zu mawh sy,’ a cha tah,” tah ta.

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

2 THÂTIHZYRONA 35:21

Nekô ta Zôsia lâ lyuhchâpazy tuah ta, a hnohta, “Hy Zudâh bei y, nâma nata keima likah liata khâpa a tah thai leina ma eima hnei? Tanoh he nâma a dyuh awpa ta a khy va na. Ei dyuh haipa phopi a dyuh awpa ta a khypa ei châ. Khazohpa ta a para awpa ta bie na pie ta, chavâta ei chhâh a châpa Khazohpa cha a dyuh khah y, chataleipatala a cha pahleipadia pathlei aw,” tah ta.

ZAWBÂ 13:23

Ei paraonazy nata ei moleinazy khatlu ta ma a hluh tly? Ei taopasina nata ei moleina cha na pahnosa mah y.

ZAWBÂ 13:26

Ruchhôna biezy na ro thlu chi ta, Ei thyutlia moleina ryu eina patosa chi.

MALUHREINA 5:15

a lapinô cha theihthaipa hnohta a chhi aw ta, a lapinô châta hmo hlâ awpa bâli sâh kachu su hrawh su kha a cheipa aw. Hiatliana niepa hlâna châ ta, paraona atheithlâhna niepa hlâna a châpa vâta, bâli sâh cha sathaw a bao awpa châ leipa ta, deiryh chhao a chô liata a soh awpa châ vei.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.

MÂKA 6:16

Herawda deikua ta a thei nahta, “A luh ei tai hapa Zawhâna a vaw thyu heihpa a châ chuh,” tah ta.

LUKA 4:34

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Ahy ma na châ tahpa ei cha pahno, Khazohpa Mopathaihpa na châ,” tahpa ta awh ta.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

LUKA 8:28

Zisu a hmôpa nahta, awh ta, a hmiakô liata pao ta, ao paro ngaitapa ta, “Zisu, Khazohpa Chônôchai Sawchapawpa, ei chô liata khâpa tao awpa ma na khoh? Ei châ haw na, rie na taola khah y,” tah ta.

ZAWHÂNA 2:4

Zisu ta a nô hnohta, “Chanô, cha cha keima pachâ awpa hmo a châ mâ? Ei daihti tlô mâh vei,” tah ta.

RYUREITUHPAZY 13:6

Chanô cha a vy ta, a vahpa hnohta, “Khazohpa chyhsa pakha ei hnohta a vy ta, â lânazie cha Khazohpa vâlyuhchâpa a lâzie lyu ta, chi â chhih ngaita. Khataih lâ chyhsa ma a châ tahpa hiahri leipa na ta, ano ta a moh na chho hra vei.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.