1 ABEIZY 17:13 - Mara Bible RV (BSI)

¹³ Elaizâh ta a hnohta, “Chi khah y, vawh la na reipa hawhna chata kei tao teh. Anodeikuacha na hneipa tawhta keima châta viahchhâ chyhta na taopa ha tua la, na vaw cheipa mah y. Cha khai tawhta nâma nata na sawchapawpa châta tao lah vâ chi.

1 ABEIZY 17:13 ပူးပေါင်းရင်းမြစ်များ

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

1 ABEIZY 17:12

Nôhmeinô chata, “Abeipa na Khazohpa hrona reipa ta ei reih, viahchhâ hnei leipa na ta, beih liata viahdie pazah kha deita nata a ôh liata sathaw a chyhta deita ei hnei. Tahmâ thopahrei chhao he a chyhta dei pakhy na ta, o lâ vawh aw na ta, keima nata ei sawchapawpa châta viahchhâ tao aw na ta, nie aw pi ta, cha khô lâ cha nie awpa hnei khao leipa aw pi ta, tlâ eima thi aw,” tah ta.

1 ABEIZY 17:14

Abeipa, Izarei Khazohpa ta, ‘Abeipa ta alei chô liata avâ a vaw pasuasa hlâlei cha, viahdie beih rua leipa aw ta, a ôh liata sathaw chhao chhâ aw vei,’ a tah,” tah ta.

2 ABEIZY 6:16

Elaisâh ta, “Chi khah y, âmo chhâh a châpa hlâta keimo chhâh a châpa ama hluh via mâh tâh,” tah ta.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:13

Kei, Abeipa na Khazohpa heta, Na ku chachâh lâ cha patu na ta; “Chi khah y, ei cha bao aw,” Châ tahtuhpa chhao, Keima tlai he ei châ.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

MATHAI 28:5

Vâlyuhchâpa chata chanôzy hnohta, “Chi khah u, Zisu ama khaipâpa kha nama tlua tahpa ei pahno.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

HEBRAI 11:17

Ngiapâna ta Abarahâ cha pasiapa ta a y nota, Aisika hlâ ta, bietaizy a totuhpa ta a sawchapaw matlupa cha a hlâ haw.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.