1 ABEIZY 16:2 - Mara Bible RV (BSI)

² “Dohlei tawhta cha cheihchalo na ta, ei phopi Izarei chô liata hyutuhpa ta ei cha tao. Châhrasala Zerôbaw lâpi a chhih hrapa ta, ei phopi Izarei cha pamoleisa chi ta, ama moleinazy vâta pathi iapa ta eina tao ha chi.

1 ABEIZY 16:2 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 14:7

Vawh la, Zerôbaw hnohta, ‘Abeipa, Izarei Khazohpa ta hetana heta a tah: “Izarei phopi sawzy hry tawhta cha cheihchalo na ta, ei phopi Izarei chô liata hyutuhpa ta ei cha tao.

1 ABEIZY 15:26

Abeipa mohmô ta hmo pha lei ngaitapa tao ta, a paw lâpi a chhihpa kha a chhih hrapa ta, Izarei a pamoleisapa moleina lâpi kha a chhih ta.

1 ABEIZY 15:34

Abeipa mohmô ta hmo pha lei ngaitapa tao ta, Zerôbaw lâpi a chhihpa kha a chhih hrapa ta, Izarei a pamoleisapa moleina lâpi kha a chhih ta.

PUASAINA 32:21

Mawsi ta Arawna hnohta, “He phopi heta na chô liata khâpa ma tao ei ta, he hawhpa hmo molei ngaitapa he ama chô liata na patlôsa?” tah ta.

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

MATHAI 5:19

Chavâta ahy rai, he biepiepazy hry liata a chyh chaipa miakha chhao pahua ta, cha hawhta tao hra awpa ta mohropazy a pachupa cha, vârâh khinarâh liata a chyh chaipa ta reipa châ aw ta, ahy rai Ryhpa chyh chaipa chhao zyh ta, a pachupazy deikua cha, vârâh khinarâh liata rônahpa ta bipa ama châ aw.

LUKA 1:52

Thatlôpazy ama beidyuchhai tawhta a daophi ta, Areisipazy a cheihchalo tyh.

1 SAMUELA 2:24

Châ bao va, ei sawchapawzy saih u, Abeipa chyhsazy ta nama thâtih ama pathâhsapa ei theipa he thâtih phapa châ vei.

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.