1 ABEIZY 15:4 - Mara Bible RV (BSI)

⁴ Chatahrasala Dâvi vâta Abeipa a Khazohpa ta Zerusale liata meiôh pie ta, ano a pazi awpa sawchapaw paduapa ta, Zerusale cha â ipa ta a paduapa a châ.

1 ABEIZY 15:4 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

ÂTHAONA 26:5

Abarahâ ta ei ao thei ta, ei hnawpazy, ei biepiepazy, ei bieraopazy nata ei ryhpazy a zyhpa vâna khata,” tah ta.

2 SAMUELA 21:17

Châhrasala Zeru sawchapawpa Abisai ta pachha ta, Philistinâ chyhsa cha a dyuh ta, thie ha ta. Dâvi chyhsazy ta, “Izarei meiôh na pachhai lei nawpa ta, adyuhna lâ eima hnohta pua khao cheita aw va chi,” tahpa ta a hnohta bie a taih ei ta.

1 ABEIZY 11:12

Na paw Dâvi vâta nâma hro chhôh ta deikua cha, tao mâh leipa aw na ta, na sawchapawpa ku tawhta ei chhu aw.

1 ABEIZY 11:32

Nâ chakaotuhpa Dâvi vâta nata Izarei chi zydua hry tawhta ei tlyhpa Zerusale khihpi vâna heta, ano ta Izarei chi kha a hnei aw.

1 ABEIZY 11:36

Ei moh y nawpa ta ei tlyhpa Zerusale khihpi liana heta nâ chakaotuhpa Dâvi cha meiôh a hnei lymâ thei nawpa ta, a sawchapawpa hnohta chi kha ei pie aw.

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

HLAZY 132:17

Cha liata Dâvi châta ki pathaosa aw na ta, Ei sathawthupa châta meiôh ei chhuanoh haw.

HLAZY 18:28

Nâ ta ei meiôh pakhaih chi ta, Abeipa ei Khazohpa ta ei zohna a pakhaihsa tyh.

HLAZY 87:5

Zaio kyh liata hetana heta ama tah aw: “He chyhsa nata hao chyhsa hao Zaio liata a pihpa châ ei ta, Chônôchaipa tlai ta Zaio cha a padua aw.”

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 37:35

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

ISAI 62:7

Zerusale paduapathi sala, Alei chô liata reithai tlâhpa ta a tao hlâlei cha, Abeipa cha pay molosa khuh vy.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 33:2

“Alei tao ta, pizie hneipa ta paysa ta a paduatuhpa Abeipa, a moh Zehôvâh ta hetana heta a tah:

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.