1 ABEIZY 15:23 - Mara Bible RV (BSI)

²³ Âsâ thâtih hropa zydua, a thatlôna zydua, a hmotaopa zydua nata khihpi a paduapazy kyh cha Zudâh beizy thâtih rona châbu liata ropa a châ. A pawpi tawhta deikua cha, a phei liata hri vaw phaoh ha ta.

1 ABEIZY 15:23 ပူးပေါင်းရင်းမြစ်များ

1 ABEIZY 14:19

Zerôbaw hmotaopa hropazy, chariah â dyuhna kyh nata a ryureina kyhzy cha, Izarei beizy thâtih rona châbu liata ropa a châ.

2 THÂTIHZYRONA 14:14

Abeipa china ta chyhsazy chalyusa ta, Zudâh pheisaihzy ta Kerâ chheipâh liata khihpi zydua a dyuh ei ta, khihpi zydua hrao ei ta, hraona sôh hluhpi la ei ta.

2 THÂTIHZYRONA 14:7

Zudâh pathlazy hnohta, “Khihpizy he padua sih la, thokhyzy ta dôh sih la, o sâhpazy, thokhy chhikaozy, ahrainazy tao ei suh u. Abeipa eima Khazohpa eima tluapa vâta, râh he keimo eih châ lymâ ta, ano eima tluapa vâta, kaokih liata apahâna miah a pie ha hih,” tah ta. Chatana­chata khihpizy padua ei ta, thlaochhipa ta ama y lymâ.

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.