1 ABEIZY 15:13 - Mara Bible RV (BSI)13 A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw. အခန်းကိုကြည့်ပါ။ |
Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.
Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.
Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpata biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.