1 ABEIZY 13:5 - Mara Bible RV (BSI)

⁵ Khazohpa chyhsa ta Abeipa bie ta ngiana a reipa hawhna kha ta, maisâh chhao cha a vaw patlawchheih ta, maisâh liata buchâhzy cha a leihtha khai ha ta.

1 ABEIZY 13:5 ပူးပေါင်းရင်းမြစ်များ

1 ABEIZY 13:3

Cha noh lilaw liata Khazohpa chyhsa ta ngiana pie heih ta, Zerôbaw hnohta, “He he ngiana Abeipa ta a reipa cha a châ. Abeipa ta, ‘Pachâ teh, maisâh he patlawchheihpa châ aw ta, a chô liata buchâhzy cha leihtha khaipa a châ aw,’ a tah,” tah ta.

1 ABEIZY 13:4

Khazohpa chyhsa ta Bethel liata maisâh awsaopa ta, bie a reipazy cha abei ta a thei nahta, Zerôbaw cha maisâh tawhta a ku pazawh ta, “Kha chyhsa kha patu teh u,” tah ta. Châhrasala Khazohpa chyhsa lâta a ku a pazawhpa cha eikhapi ta vaw sy ha ta, a ku cha ano lâ a dao thei khao leipa ta.

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

1 ABEIZY 17:16

Elaizâh hmâpa ta a reipa Abeipa bie hawhta, viahdie beihrai cha rua leipa ta, a ôh liata sathaw chhao chhâ vei.

1 ABEIZY 22:28

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u!” tah ta.

1 ABEIZY 22:35

Cha noh ta adyuhna cha ru via lymâ ta. Abei cha a talailih liata deichaka ei ta, Aramia mo lâ a heihpa ta paduasa ei ta, a hmah thisaih cha talailih siphiah liata thata loh ta, zâlâ ta thi ha ta.

AMÔSÂ 3:14

“Cha noh liata, Izarei cha a moleinazy vâta hrie aw na ta, Bethel maisâhzy ei hrie aw; Maisâh kizy chhawh pathlahpa châ aw ta, Alei liata ama pao aw.

MÂKA 16:20

Pachupazy cha sie ei ta, su to liata bie chho ei ta. Abeipa ta âmo cha hriakhei ta, ama bie chhopazy pa-i nawpa ta, ngiana hmonoâhpazy ta a pazi lymâ ei.

RYHPACHANEINA 18:22

Hrohsopa ta Abeipa moh ta bie reih sala, a bie reipa cha vaw tlô leipa sala, â do leipa khiahta cha, cha cha Abeipa ta a rei leipa bie a châ. Hrohsopa ta a palai ngaitapa ta ano phichhyhpa bie a reipa châ ta, ano cha nama chi awpa châ vei.