1 ABEIZY 13:21 - Mara Bible RV (BSI)

²¹ Hrohsopa ta Zudâh râh tawhta a vypa Khazohpa chyhsa hnohta, “Abeipa ta hetana heta a tah: ‘Abeipa bie a ngiah leipa chi ta, Abeipa na Khazohpa ta bie a cha piepa zyh leipa chi ta,

1 ABEIZY 13:21 ပူးပေါင်းရင်းမြစ်များ

ÂTHAONA 3:7

Ama pano ta ama mo vaw pavâ ta, thluahruapa ama châpa a vaw pahno ei ta, theiku hnazy bieh ei ta, chysia ta a tao ei ta.

2 SAMUELA 24:13

Kâdâ cha Dâvi lâ vawh ta, kei chho ta, a hnohta, “Na râh liata kô thôh chakâhna tlô awpa ma, na chariahpazy ta cha chadai ei sala thla thôh chhôh ama hmiakô liata a râ awpa ma, na râh liata noh thôh potlana charei awpa ma, a kheihawhpa ma na khoh? Nâ vaw tuahtuhpa hnohta kheihta ma ei chhy aw? A pachâ la na chho mah y,” tah ta.

2 SAMUELA 6:7

Abeipa cha Uza chô liata a hiehâh ta, a hmotaopa doleipa vâta Khazohpa ta cha liata thie ta, Khazohpa Byh kiapâh liata thi ha ta.

1 ABEIZY 13:17

Abeipa bie ta ei hnohta, ‘Cha liata viahchhâ na nie awpa châ leipa ta, ti chhao na do awpa châ leipa ta, nâ vyna lâpi lâta nâ lie heih awpa châ vei,’ tahpa ta eina chho haw,” tah ta.

1 ABEIZY 13:20

Tlâhkhai ama dôh nota, a kuakheituhpa hrohsopa hnohta Abeipa bie vaw tlô ta.

1 ABEIZY 13:22

a vaw lie chi ta, “Viahchhâ nie leipa la, ti chhao doh khah y,” a cha tahna su liata viahchhâ nie chi ta, ti na dopa vâta, châ pathlatuhpazy thlâ liata na ri a zia aw vei,’ a tah” tah ta.

1 ABEIZY 20:36

A hnohta, “Abeipa ao na zyh leipa vâta, keima tawhta na siepata nahta, chakeibarôhneipa ta a cha tai aw,” tah ta. Ano tawhta a siepata nahta, chakeibarôhneipa ta a vaw tyh ta, tai ha ta.

ESTHERI 6:13

Hâmâ ta a chô liata hmo tlôpa zydua cha a lapinô Zeresi nata a viasa zydua chho ta. A chyhsa sopazy nata a lapinô Zeresi ta a hnohta, “A hmiakô liata na pao pathaopa Môdekai cha Zu chyhsa a châ khiahta cha, pahnie aw va chi, a hmiakô liata na pao thlyu aw,” tah ei ta.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.

1 SAMUELA 15:19

Khazia Abeipa ao na nathlie vei? Khazia hraona sôh a zawhnao chi ta, Abeipa mohmô liata hmo pha leipa na tao?” tah ta.

1 SAMUELA 4:18

Cha chyhsa ta Khazohpa Byh kyh a reipa nahta, Eli cha chhikao thaby liata dyuchhai tawhta â die lâta pao ta. Pawpipa châ ta, â hri ngaitapa vâta, a rao thlie ta, thi ha ta. Eli cha Izarei chô liata kô sypalih ryureih ta.