1 ABEIZY 13:18 - Mara Bible RV (BSI)

¹⁸ Hrohsopa ta a hnohta, “Kei chhao he nâ hawhta hrohsopa ei châ hra. Vâlyuhchâpa ta ei hnohta, ‘Viahchhâ zy niepa ta, ti zy doh awpa ta, na hnohta na o lâ a chhi mah y,’ tahpa ta Abeipa bie ta eina chho,” tah ta. Cha cha haipa bie a chhopa a châ.

1 ABEIZY 13:18 ပူးပေါင်းရင်းမြစ်များ

ÂTHAONA 27:24

Aisika ta, “Ei sawchapawpa Esaw na châ tlai ma?” tah ta, Zakaw ta, “Ei châ,” tah ta.

ÂTHAONA 3:13

Zehôvâh Khazohpa ta chanô hnohta, “Khazia he hmo he na tao?” tah ta. Chanô ta, “Parih ta na dôvei ta, ei nie haw,” tah ta.

1 ABEIZY 13:19

Chatanachata Khazohpa chyhsa cha hrohsopa hnohna chata a lie ha ta. A o liata viahchhâ zy niepa ta, ti zy doh ta.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

BIESOZY 12:19

Biedopa hmao cha chhâzaw a daih ta, Haipa paleih deikua cha buakha dei â daih.

BIESOZY 12:22

Paleih haihthaipa cha Abeipa châta pasichhihpa châ ta, Âdopa ta a taotuhpazy deikua cha â ly ei.

BIESOZY 19:5

Pahnokheituh pakheipa cha hrie leipa ta y leipa aw ta, Haipa hu a sopa chhao pua aw vei.

ISAI 36:10

Cha dei châ vei, he râh parao awpa heta, Abeipa a hlao leipa ta a khypa ma ei châ? Abeipa ta ei hnohta, “Cha râh cha khyhnao la kaw parao teh,” eina tahpa vâta â khypa mah a châ tâh,’” tah ta.

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 29:32

Chavâta Abeipa ta hetana heta a tah: Nathlie teh u, Nehelâ chyhsa Semiah nata a pathlazy cha ei hrie tlai aw ei. Abeipa chakhiana bie a reipa vâta, he phopi hry liata a pathla pakha hmahta hroh leipa aw ei ta, ei phopi chô liata hmo phapa ei tao awpa chhao hmô aw vei, Abeipa ta a tah,’ tahpa ta châ paphao mah y,” tah ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 13:8

Chavâta Abeipa Zehôvâh ta hetana heta a tah: “Biedoleipa reih ei chi ta, aluahna phichhyhpa nama hmôpa vâta, moh teh u, ei châ dyuh ei, Abeipa Zehôvâh ta a tah.

MALUHREINA 22:35

Abeipa vâlyuhchâpa ta Bâlâma hnohta, “Chyhsazy hnohta sie mah y. Anodeikua ei cha chhopa bie deita na reih awpa a châ,” tah ta. Chatanachata Bâlâma cha Bâlâka beimachâzy hnohta sie ta.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

KALATIA 1:8

Keimo ta tlyma, vârâh tawhta vâlyuhchâpa tlyma ta eima cha chhopa nata a chakhiapa thâtihpha ama cha vaw chho khiahta cha, cha hawhpa chyhsa cha chhiesapa ta y mawh sy.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

RYUREITUHPAZY 13:3

Abeipa vâlyuhchâpa cha chanô hnohta a vaw luah ta, a hnohta, “Moh teh, choh ha chi ta, saw rai phaoh thei va chi, châhrasala saw phaoh aw chi ta, sawchapaw na sa aw.