1 ABEIZY 11:9 - Mara Bible RV (BSI)

⁹ Sawlawmaw palôh cha, a hnohta ei no po a luahpa Abeipa, Izarei Khazohpa a tleisai hapa vâta, Sawlawmaw chô liata Abeipa a hiehâh ta.

1 ABEIZY 11:9 ပူးပေါင်းရင်းမြစ်များ

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

2 SAMUELA 6:7

Abeipa cha Uza chô liata a hiehâh ta, a hmotaopa doleipa vâta Khazohpa ta cha liata thie ta, Khazohpa Byh kiapâh liata thi ha ta.

1 ABEIZY 11:8

Cha hawhna chata chihropa a lapinô zydua châta su sâhpa taopa ta, cha liata ama khazohzy lâta hmohlâpa nata atheihnazy ama hlâ tyh.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

1 ABEIZY 9:2

Kibiô liata a hnohta â luahpa hawhna khata, Abeipa cha Sawlawmaw hnohta a vaw luah heih ta.

1 THÂTIHZYRONA 21:7

Cha hawhta Izarei maluhpi reipa cha Khazohpa a ly leipa ta, chavâta Khazohpa ta Izarei sawzy cha hrie ta.

PUASAINA 4:14

Abeipa cha Mawsi chô liata a pathi ia ta, a hnohta, “Na unawhpa Arawna, Livai chi y vei mâ? Ano cha bierei a thai kaw tahpa ei pahno. Moh teh, cha vaw dy awpa ta â vy huh. A cha hmô tita a palôh a tlâh ngaita aw.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

MALUHREINA 12:9

Chavâta Abeipa cha ama chô liata a pathi ia ta, a sie haw.

RYHPACHANEINA 3:26

Châhrasala nâmo vâta ei chô liata Abeipa a pathi ia ta, na nathlie khoh vei. Abeipa ta ei hnohta, ‘Â daih, cha kyh cha na chho khao khah y.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.

RYHPACHANEINA 9:20

Abeipa cha Arawna chô liata pahleipadia khona taihta a pathi ia ta, châhrasala kha daihti liana khata Arawna châta chhao thlahchhâ na ta.

RYHPACHANEINA 9:8

Hôribâ liata chhao Abeipa pathi pa-ia ei chi ta, cha pahleipadia khai awpa taihta Abeipa cha nama chô liata a pathi a ia.

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.