1 ABEIZY 11:4 - Mara Bible RV (BSI)

⁴ Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 11:4 ပူးပေါင်းရင်းမြစ်များ

1 ABEIZY 11:2

Âmo he Abeipa ta Izarei sawzy hnohta, “Âmo nama hnei awpa châ leipa ta, âmo chhao ta ama cha hnei awpa châ vei, ama khazohzy lâta nama palôh ama cha paheihsa thlyu awpa vâta,” tahpa ta a vaw rei hapa phopizy kha ama châ. Cha chihropa zuahzy cha Sawlawmaw ta khohpa ta âmo cha khâchâ patu ta.

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 11:42

Sawlawmaw ta Izarei râh zydua chô liata Zerusale liata ryu a rei chhôh cha kô sypalih a châ.

1 ABEIZY 11:6

Chavâta Sawlawmaw cha Abeipa mohmô liata hmo pha leipa tao ta, a paw Dâvi taozie hawhta, Abeipa cha tlokhuh ta pazi vei.

1 ABEIZY 11:9

Sawlawmaw palôh cha, a hnohta ei no po a luahpa Abeipa, Izarei Khazohpa a tleisai hapa vâta, Sawlawmaw chô liata Abeipa a hiehâh ta.

1 ABEIZY 14:21

Sawlawmaw sawchapawpa Rehôbaw cha Zudâh râh liata a bei ta. Â bei pathao nota Rehôbaw cha kô sypalih nata kô khapa a châ. Abeipa ta a moh y nawpa ta Izarei chi zydua tawhta â tlyhpa khihpi Zerusale liata kô hrawh hleisari a bei ta. A nô moh cha Amawna zuah Nâmâh a châ.

1 ABEIZY 15:14

Su sâhpazy deikua cha pahleipadia vei. Chatahrasala Âsâ cha a hro chhôh zydua ta tlokhuh ta Abeipa liata palôh dopa a phaohpa a châ.

1 ABEIZY 15:3

A paw hmo moleipa taopa zydua kha tao hra ta, a mapaw Dâvi palôh phaoh leipa ta, Abeipa a Kha­zopa lâta a palôh zydua hlâ khai vei.

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

1 ABEIZY 6:1

Izarei sawzy Izi râ tawhta ama kaw pua tawhta kô za palih nata sychariena kô, Izarei chô liata Sawlawmaw â beina kô palihna, Zivi thla, thla nona liata Abeipa o cha sa pathao ta.

1 ABEIZY 8:61

Chavâta tanoh hawhna heta, Abeipa eima Khazohpa chô liata palôh phapakipa phaoh lymâ u la, a bieraopazy a chhihpa ta, a biepiepazy zyh lymâ muh vy,” tah ta.

1 ABEIZY 9:10

Sawlawmaw ta o miano, Abeipa o nata abei o cha, kô kih chhôh sa ta, a paloh tawhta,

1 ABEIZY 9:4

Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

2 THÂTIHZYRONA 17:3

Zehôsaphâ cha a pathlatuhpa Dâvi lâpi â chhih hrapa vâta, a hnohta Abeipa y ta. Bâlâ khazohzy tlua leipa ta,

2 THÂTIHZYRONA 25:2

Abeipa mohmô liata hmo dopa tao ta, châhrasala palôh tlokhuh ta tao vei.

2 THÂTIHZYRONA 34:2

A pathlatuhpa Dâvi lâpizy a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

PUASAINA 20:3

“Keima leipa ta khazoh hropazy na hnei awpa châ vei.

RYHPACHANEINA 17:17

Lapinô hluhpi a hnei awpa châ vei. Chataleipatala a lapinôzy ta a palôh ama paviasa pathlei aw. Tâkâ nata ngôh hluhpi a hnei awpa châ hra vei.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.