1 ABEIZY 11:39 - Mara Bible RV (BSI)

³⁹ Cha vâna chata Dâvi pathlazy cha pasa pataosa aw ei na ta, chhâzaw châta deikua la châ aw vei,’” tah ta.

1 ABEIZY 11:39 ပူးပေါင်းရင်းမြစ်များ

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

1 ABEIZY 14:8

Dâvi pathlazy tawhta khinarâh chhu na ta, nâ ei cha pie. Châhrasala nâ chakaotuhpa Dâvi hawhta y va chi. Ano cha ei biepiepazy a pyh ta, a pathipalôh tlokhuh ta na pazi ta, hmo dopa deita ei mohmô liata a tao tyh.

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

1 ABEIZY 11:36

Ei moh y nawpa ta ei tlyhpa Zerusale khihpi liana heta nâ chakaotuhpa Dâvi cha meiôh a hnei lymâ thei nawpa ta, a sawchapawpa hnohta chi kha ei pie aw.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 11:40

Cha vâna chata Sawlawmaw ta Zerôbaw cha thie a chhuah ta. Châhrasala Zerôbaw cha thyu ta, Izi râh liata Izi bei Sisâ lâ a râ ta, Sawlawmaw thi hlâlei cha Izi râh liata y ta.

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.