1 ABEIZY 11:27 - Mara Bible RV (BSI)

²⁷ Abei chô liata a ku a hyna chhâpa cha he vâna heta a châ. Sawlawmaw ta diahsua chhôh ta, a paw Dâvi khihpi raonazy a taopathi.

1 ABEIZY 11:27 ပူးပေါင်းရင်းမြစ်များ

2 SAMUELA 20:21

Cha hawhpa lâ kyh cha châ vei. Epharai tlâh râh liata chyhsa pakha, Bikhari sawchapawpa a moh Sebâ ama tahpa ta, Bei Dâvi a dyuhpa ta a ku hy ta, ano cha na vaw pie u la, khihpi he ei sysai ha aw,” tah ta. Chanô ta Zôabâ hnohta, “Moh tua, thokhy khôtho lâ a luh ei cha vaw thypa aw,” tah ta.

2 SAMUELA 5:7

Châhrasala Dâvi ta Zaio thokhy cha a la haw. Cha cha Dâvi khihpi a châ.

1 ABEIZY 9:15

Bei Sawlawmaw ta rai hria awpa ta chyhsa a pathyu raruahna chhâpa cha, Abeipa o, ano o, diahsua, Zerusale thokhy, Hâzaw khihpi, Mekidô khihpi nata Keze khihpi zy padua awpa a byuhpa vâta a châ.

1 ABEIZY 9:24

Phiraoh sawchanô deikua cha Dâvi khihpi tawhta Sawlawmaw ta ano châta o a sapa lâ khy ta. Sawlawmaw ta a o cha diahsua chhôhpa ta.

2 ABEIZY 12:20

Bei Zôasâ chakaotuhpazy ta thyu ei ta, abei cha arulâta tei ei ta, Silâ lâ zuna lâpi liata thokhy ta dôhpa o liata thie ha ei ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

HLAZY 60:2

Râh he pasihsa chi ta, Na hriechheih khai ha hih; A chalyu ngâ kaw ta, A pyunazy taopathi mah y.

BIESOZY 30:32

Hru kawpa ta nâmasasyh a pasâhsapa ta, Hmo chhiepa tao awpa nâ chhuah khiahta cha, Na pakah a chahu mah y.

ISAI 22:9

Dâvi khihpi thokhy raona suzy cha a hluh ngaitazie nama hmô. Â hnai lâta tipo liata ti pachô ei chi ta,

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.